gutsedu

DSE BAFS 2026 | SEC C兩大題目會考邊課？ 2025師兄師姐邊啲地方未夠好？

Thu, 02 Apr 2026 09:28:10 GMT

1. 仲有唔夠一個月就入BAFS戰場，睇返啲片嘅觀看數據，略嫌同學今屆對Paper 1嘅重視度弱咗，聽我講��，P1都佔整返卷4分之1嘅分數，要掃星星一分都不能少

2. 因2025改制而喺之前兩年狂chur嘅partnership喺改制年冇出大嘢，個人認為今年會出返條大嘅，而且會強化餘下內容嘅考核，包括但不限於goodwill、trial balance布局、以至capital deficiency嘅handling，作為後世新partnership標桿

3. 2025可以話係激罕地「遺漏」咗Bank Rec，SEC B考返一條完整嘅走唔甩，要玩熟由錯嘅/正確嘅cash book推到錯嘅/正確嘅bank statement 嘅所有combination，唔好咁老正認為一定要由錯嘅推到正確

4. 2025條Error x Limited個depreciation 係出大事，同學對trade in嘅做法係好絀劣，漠視咗賣走果架本年數個月嘅折舊、亦忘記新入嚟果架本年數個月嘅折舊，呢啲一律建議畫條timeline，拆件一粒粒NCA做

5. 有兩粒principles，考局點評學生解得衰，包括realization用咗accrual 解、prudence唔熟書等等

去片煲齊重點再操數��

DSE BAFS 2026 必煲 | SEC C 考邊範¿ 2025師兄師姐衰咗乜？

DSE ECON EXTERNALITY 從封鎖霍爾木茲海峽學界外正效應

Tue, 31 Mar 2026 04:07:29 GMT

1. 伊朗近日開價200萬美元，但要以伊朗幣埋單，換取船隻通過霍爾木茲海峽，正正係用私人市場方法解決界外效應嘅好例子

2. 霍爾木茲海峽被稱作全球石油咽喉，每年多達2千萬桶海灣國家嘅油經呢個海峽運往世界各地，戰前海峽趨近自由使用，與本身保護海域邊際成本穩定且低廉有關

3. 及至戰時，於海峽放行船泊嘅邊際成本與挾迫海灣國家促美停戰及伊朗自家油產破除制裁束縛賣得高價兩大因素捆綁下飆升，致令伊朗幾乎不準船泊通過，放行點就擱在MSB>MC，形成世紀凈損失

4. 除著油價高企引致環球經濟問題，個MSB<>MC spread會愈嚟愈大，伊朗將國運架設咗喺國土南部寬度只有32公里嘅霍爾木茲海峽，挾油意令全球成為命運共同體，換伊朗幣俾錢入短期能救匯，亦給友好國家一點便捷，長期換取各國施壓促使美國停手，伊朗MPB逐步提升（界外利益內部化），放行量才能歸於正常水平

5. 一物治一物，有時唔係下下用劍嘅

跟我一堂學好EXTERNALITY

DSE BAFS Accounting Principles | 用AEON財報學GOING CONCERN

Mon, 30 Mar 2026 03:06:06 GMT

1. 童年回憶「吉之島」母企Aeon於發表新一財年財報時被核數師披露「持續經營存重大不確定性」，呢個正正係DSE BAFS Accounting Principles 一課裡面學嘅Going Concern Concept

2. 一般而言，企業係會被假定為Going Concern個體，即於可見將來繼續營業及無意圖清盤，因此企業嘅資產會以歷史成本扣減折舊計價列於財報

3. 當出現以下3個情況：1. 企業已連年虧損或 2. 企業凈負債過高或 3.企業現金流出現問題，核數體須披露企業持續經營能力存疑、當中原因及財報上資產價值嘅計升依歸

4. 睇返Aeon盤數，過去兩年分別蝕3億4與3億3；流動凈負債15.6億（倒返轉睇current ratio 啱啱好得0.5）；現金由8.2億跌到6億，要生存落去似乎只有日本母公司泵水一途

5. 希望AEON唔好好似大丸咁成為歌詞上嘅時代印記

跟我一堂學好Accounting Principles

DSE ECON 2026 | 2025 邊5題MC被貼堂？

Mon, 30 Mar 2026 02:51:53 GMT

考局每年都抽5題佢都好迷點解學生會錯嘅MC嚟分析，坦白講每題都有人錯，但點解呢5題會俾人特別highlight呢？關鍵係個答案distribution，好多呢啲被討論嘅題都係啲答案平均地skew咗去兩邊，簡單啲講大部分人中陷阱��

1. 3 Economics Questions ��學生都係未identify 到for whom to produce case，吓，為咩人做都分唔到？從來最簡單嘅嘢係最難，就係因為佢易分，考局鍾意twist到逢係商家喺唔同渠道賣廣告或為產品訂價，呢啲都係揀客嘅動作，而唔會明買明賣咁話呢套戲我俾阿婆睇嘅

2. Externality �� 一個典型negative externality case，發展商起樓起得高遮咗隔嚟啲景，有啲咩condition出現個negative externality先會resolved，3個答案其實一個govt、兩個private，其中同學唔係太識react to 受害者俾錢叫發展商唔好起咁高嘅case��

3. Fiscal & Trade Deficit�� 同時消滅case，同學都係喺disposable income會同時影響C、I、M嘅關係上唔熟，associate唔到經濟好咗會增加入口同稅收；考局係專登寫到個condition剩係影響貿易，例如：用貨幣貶值增出口減入口，你要諗多兩步��國民收入會因此提升��稅收亦被帶升

4. GDP Limitations ��都係老掉牙嘅per capita + real gdp點樣未必反應living standard呀，咁你自己醒水要飛走啲人口多寡、通脹通縮case啦，啲同學都係盲頭烏蠅咁中落去

5. 最後係阿sir臨考前講過萬次嘅極端elasticity下嘅政府干預點個凈損失點睇，好明顯同學成日死記正常情況下收稅派津後搵粒凈損失三角就得，唔去認真了解凈損失點嚟，一俾條打棟或打橫嘅demand / supply您就即時投降

立即去片攞多一分就一分

DSE ECON | DEMAND & SUPPLY | RELATIVE PRICE ｜長者$2車變$2兩折政策上邊度出錯令資源錯配？

Thu, 26 Mar 2026 08:18:34 GMT

1. 由2012年起始實施的長者$2乘車優惠將於4月3日迎來結構性改變，車費$10或以上改為兩折；車費$10或以下維持為$2乘搭。舊制一刀切所有車費$2是典型供需現象，愈長車程補貼比率愈多，長者乘搭長途車對短途車比例會拉升

2. 新制緩減長途車補貼比率，抑制長者對長途車需求，最重點攻堅是「長車短搭」，例如：攞A車嚟去下個街口��，從而收緊這項政策正在每財年幾何級數上升的補貼

3. 由2022年2蚊車拓展至60-64歲年齡層後，政府於23、24及25年度補貼分別為30億、40.5億、60億，60億係咩概念？政府一年抄牌收益約為8億，即抄足7-8年牌先冚到一年長者交通費

4. 長者勞碌一生建設社會，退休後開開心心遊香港，補貼的心意從沒異議，但港府這十多年補貼措施其實十分笨拙，在措施推出前各大交通機構一直有施行「長者半價優惠」，到$2車措施出爐後，各大機構立即取消優惠攞盡政府津貼，60億本來有30億商界自己攞嚟做價格歧視扮優惠長者的，由政府埋單，公營交通公司高層從沒放社會責任於考量之列是城市最可悲的地方

兩課精讀跟我完全搞懂demand & supply

DSE ECON ELASTICITY 燃油附加費翻倍下機票的供需彈性

Thu, 12 Mar 2026 10:23:41 GMT

1. 剛於昨日公布2025年勁賺百億嘅國泰今日宣布長中短途燃油附加費加逾倍，以布油戰時由每桶$70彈升至$90計，油價升3成，燃油附加費增一倍豈不是加突？

2. 呢個paradox其實Econ同學都要注意，燃油附加費只係票價嘅一部分，假設票價其他組成不變，整體票價加幅其實冇一倍咁多

3. 阿SIR用最新年報數字好rough咁屈指一算，假設短途、長途均價$2500同$7500，國泰凈利率9.3%，總成本分別為$2267同$6802，燃油成本過往幾年徘徊總成本3成，即一張$2500同$7500嘅機票，有$680同$2041係燃油成本

4. 如最頂頭嘅前設期內油價升3成，短途與長途燃油成本分別增加$204同$612蚊，以短途、長途燃油附加費分別加$148與$595計，未算要消費者「食哂」，但都食足大部分，當中長途消費者食嘅portion大啲，反應長途客需求彈性比供應彈性更細，短途始終競爭大，唔搭飛機可搭火車或船去第度玩，that’s economics

兩堂跟我學好Demand & Supply、Elasticity、Government Intervention

DSE ECON E1 MONOPOLY、ADAS 點解港油零舍貴？

Thu, 12 Mar 2026 08:20:02 GMT

1. 前文分析過港油市場呈寡頭壟斷格局，只提供較貴嘅辛烷值98汽油，再將呢種油分普通同特級，��base抽多浸消費者盈餘，以戰爭發起後牌價計，香港、新加坡、日本每升油價美元計分別為$3.97、$2.45及$1.09，今日再用其他角度分析港油價格世一之謎

2. 從成本分布圖可見，本港兩大油價高企原因乃進口價格及地租高昂，事實上今天大部分港油從新加坡煉油廠進口，基於沒煉油設施同時市場細小缺規模效應，所以雖然港油與其他亞太地區同源，但計及運輸成本與溢價，每升港油落地成本達$1.9，係日本嘅4倍，事實上睇國泰同新航年報，於布油全年平均$60-70水平，兩間航企入機價每桶都近百元，成本溢價係結構問題

3. 與日本政府積極補貼家用燃油政策不同，港星政府有意用高昂駕駛成本去控制車輛數目，如圖所示，兩地每升燃油稅費達$0.7，接連動輒數億港元一幅，21年租期嘅油站用地，部分油站日租達8萬港元，土地問題再一次令香港推上世一之列

4. 最後係油企利潤，寡頭壟斷市場環境孕育默契抬價，只睇每升利潤港油分別係星洲同日本嘅2倍及3倍，香港地區限定嘅「貴絕全球靚油之中嘅靚油」，其實解決辦法一直都在。

跟我一堂學好E1 Monopoly

DSE ECON INT TRADE、BOP & ADAS 特朗普攻打伊朗主因可能只係關稅被阻

Wed, 11 Mar 2026 06:06:46 GMT

1. 之前分析過特朗普挾關稅意令環球領䄂，要麼買美貨、要麼買美債，佢睇到嘅係美國債務龐大，債息高企，再繼續借落去，好似BAFS學嘅gearing ratio咁，個控制權就會喺債主度

2. 用返DSE學BOP嘅角度，買美債減逆差，緩減美債擴大增幅；逼他國買美債，緩減美息升幅，最後一步係動匯貶美元令還錢時還少啲購買力，2月20號係轉捩點，當日美國最高法院駁回特朗普對等關稅嘅政策

3. 冇咗關稅武器，又急於為中期選舉叩票，特朗普揀咗一條完全截然不同嘅路嚟行，打伊朗攞油田令石油美元嘅地位更加堅固，美金亦於戰事至今呈強，美元多咗需求，美債就會有返支持，但呢個轉向最矛盾嘅地方係美元強勢會令逆差加劇亦做成通脹，美國由縮債變成錢唔怕借，因為軍事強、貨幣強，用貨幣嚟做載具，吸收返全球購買力

4. 能成功與否，可能TRUMP都唔知道，但佢知年近80嘅自己要喺史書留下偉大嘅形容詞就要夠BOLD

從來戰爭源頭都係資源爭奪

一堂學好INTERNATIONAL TRADE

搞懂全球政經局勢 dse 5**都只係副產品

對等關稅、對伊戰爭均離不開美國BOP棋盤布局

一堂學好BOP、EXCHANGE RATE & LINKED EXCHANGE SYSTEM

DSE ECON 2027 美伊戰爭引爆油價 | 航企燃油對沖扮演甚麼作用﹖

Tue, 10 Mar 2026 02:28:55 GMT

1. 中東戰雲密布，油價持續高低，隔晚布油曾抵每桶120美元，睇返國泰2025中期年報，上半年燃油對沖虧損2.18億港幣，主因應該為國泰同期有30%油以均價$73美元一桶對沖有關

2. 喺油價低落時，因為呢30%油要用$73硬接，所以造成虧損，但好似近日戰旗飄揚，德克蘭有油廠被炸、霍爾木茲海峽被封，中東多國因油倉爆滿而減產，布油短時間抽高近倍，呢啲對沖合約就起關鍵作用，油價抽高計及運輸、稅款、亞太地區溢價，國泰冇hedge嘅油價最後入機價可達$135-140水平

3. 睇埋區域樞紐對手新航，佢哋做hedge做得更進取，喺油價$60-70水平時做50%長hedge，即有半數油用戰前價買，個利潤空間冇蠶食得咁快，咁係咪新航叻啲？其實只係國泰試過2014同15連續兩年燃油對沖虧損逾80億為人咎病後轉趨保守，所以投資團隊嘅眼界同遠見都好緊要

4. 不過從來對沖贏定輸，票價都係跟升不跟跌，可以肯定嘅係4月份復活長假期嘅燃油附加費便開胃了��

跟我一堂學懂ADAS

戰爭誘發油價急升會令要素成本上升，繼而影響SRAS，當SRAS左移全球經濟將陷滯脹風險，DSE ECON 2027考局劇本再次被TRUMP打滿，你絕對有足夠時間同材料應戰！

同場加映

油仲可以考E1 - Monopoly?

DSE ECON E1 PRICE DISCRIMINATION 萬物之源 - 油原來係學ECON神器？

Fri, 06 Mar 2026 03:02:26 GMT

1. 中東戰雲密布，伊朗封鎖最短闊度得32km嘅霍爾木茲海峽，意圖癱瘓海運令油價急升，全球供應鏈所有嘢離唔開運輸，所以油價升可以話大獲過加租，由戰事起始，布油勁彈10-15%，經濟學上短期總供應因成本上漲而跌，推高通脹但同時減少產出，全球滯脹風險待爆

2. 返嚟香港，車用汽油已偷步加價，加幅約1-2%，布油已彈升，何以說偷步？香港油站一般有2-3周庫存，literally戰事影響未及油商，寡頭壟斷生態MC未動、價格先行��您懂的（可能是車主搶先排油谷高需求了吧）

3. 今日想講嘅係港油市場另一有趣現象，油站會賣所謂普通油同靚油，其實兩種油都係甲烷值98，只係後者會有添加劑，聲稱令引擎減少損耗，原來全世界只有香港將98 RON呢種油分兩級賣，一般車種出廠指引用95 RON已足夠，但港油站並無供應95 RON，即本身已焗車主買「靚油」，再分層榨消費者盈餘

4. 呢個算唔算3級價歧？你可以話靚油同普通油係兩種產品，但個分野可能只局限於情緒價值，將錫車嘅車主��一波，引擎聲都好聽啲啦，如我之前喺航空公司艙等嘅分析講過，有壟斷能力嘅公司會愈加搵細微分野去創造更多價格分層，目標就係��齊唔同彈性嘅人出嚟，利潤極大化

一堂無憂學畢E1

一堂學精ADAS

DSE ECON MONEY & BANKING 避險不避險？美伊戰時黃金、比特幣走向看清避險真相

Thu, 05 Mar 2026 02:29:15 GMT

1. 傳統上戰爭時大家害怕手上銀紙貶值，資金會泊入貴金屬甚至乎有「數碼黃金」之稱嘅加密貨幣，用AI plot咗過去10年黃金及比特幣走向，喺呢10年前期嘅一啲區域性戰爭，例如：塔利班重掌阿富汗、俄羅斯入侵烏克蘭等，對避險資產價格所起作用極微

2. 要數算到哈瑪斯人質事件，以至以伊12日戰爭及今天美以伊混戰，這些避險資產才見反應，反映要去到具規模戰爭，人們或機構先走去避險，而且所謂避險其實也只是炒家嘅藉口，以黃金為例，228美國襲伊當日，黃金急升至紀錄高位5500美元，但隨後很快已回落返10%，可見避險是炒作多於實際用途

3. 有趣嘅係比特幣喺近半年中東拳來腳往期間都要見跌，輿論質疑比特幣今天已淪為與美國高風險科技股高度綁定嘅風險資產。經歷量子電腦可能破解加密算法、KK園首腦被凍結百億加密貨幣資產及美國愛潑斯坦案富豪揭密等事態，公眾對比特幣嘅感知有著結構性嘅變化。

4. 沒有永恆嘅「避險」，說穿了大眾認錢只認今天認受性、儲值能力及未來認受性，今天公眾對避險貨幣「無感」，原因可能已factor in 對戰事不會延續嘅預期，市場反而擔心戰事拉升通脹，美國減息步伐遲緩，資金成本持續高企，故先行沽售高風險資產。再退後一萬步諗，強者是美國，戰時流動性最強定必是美金，用強勢貨幣換要搬要抬嘅金，或是要有電、有資安先交換到嘅比特幣，也甚難說得過去

5. 終究避險是榥子，其實圖表睇近10年黃金與比特幣很相像，黃金總是緊隨比特幣走向，近期兩者走異可能並非異動，而是黃金腰斬嘅時間未到來而已

一堂跟我學好MONEY & BANKING

(全年BEST SELLING課次)

DSE ECON MACROECONOMICS PROBLEM | 跟波叔學「處理」FISCAL DEFICIT

Thu, 26 Feb 2026 04:48:08 GMT

波叔年年有餘的財經哲學

1. 波叔喺預算案竟然能提及近年罕見嘅財政盈餘，其實係運用佢多年會計經驗去「砌數」，新報法分經營帳同非經營帳，前者放經常性收入減經常性開支，適逢本年度股市復甦，撐起印花稅（比上年度多320億至995億），令經營帳「有餘」，進帳513億

2. 相反非經營帳主要擺賣地收益再減基建開支，眾所周知近年樓市積弱地產商「水緊」賣地收益不足200億，但提速北都及其他道路房屋基建推算用1700億，非經營帳赤字達1517億，簡單講兩帳加埋仲short緊千億數

3. 點解最後報到粒29億盈餘，咁係因為政府將借錢當收入，期內發債1550億，還返到期517億，凈發債千億去冚返條數，做到波叔口中第二個「有餘」��綜合帳戶29億盈

4. 波叔喺財案解答咗阿SIR一直嘅疑難，就係不停發債，新基建未有咁快有足夠收入咁啲錢點還，除咗債冚債，政府想「開源」外匯基金，呢筆自1984年成立後未用過嘅錢，波叔諗著26/27年攞啲，到時非經營帳有多筆數填，年年有餘原來係咁達陣

DSE ECON 2025 Q13 E2 曲直PPF共冶一爐這個考局不太冷？

Wed, 25 Feb 2026 07:51:38 GMT

1. 首年考返E2，圖表都算同您「足本重溫」，個圖俾齊兩國一曲一直PPF，另加world price線，兩國都要畫齊CPF，同出奇蛋一樣，滿足考局考齊你E2所有圖嘅願望

2. 留手位喺最後import / export volume冇考落條curved PPF度，另外都冇要大家plot gain from trade，呢啲位睇得出佢點到即止，但如果我係考生，E1E2一樣熟，我都會揀E1

3. 脫離咗首年重考光環，2026-2028同學仔喺elective仲係compulsory嘅日子要預佢愈玩愈癲，其實我上年有出E1E2 MOCK，裡面果啲移動完先再plot點嘅PPF係好有可能未來幾年嘅玩法

DSE ECON 2025 Q12 E1 首年Elective重啟考局有沒留一手？

Wed, 25 Feb 2026 07:47:50 GMT

1. 年假後一口氣做埋2025兩條Electives感覺放水部分喺文字果面，基本上冇溫anti-competitive behaviors都夠做成題

2. 畫圖玩移動MC，想矇下同學仔，出現咗一啲外在狀況後，個output神推鬼撞下返咗原本嘅efficient output，係咪就代表efficient，所謂efficient output從來係跟條件而唔係釘死喺任何位置，MC生變、條件變，所有嘢重新推演

3. Price Discrimination 都考正路嘢相同目的地唔同班次航機唔同錢係唔係PD，都係答題3式：定義、應用、結論就攞得齊

4. 士別4年呢題E1見面禮算俾大家執下分，體感E1無論文字定圖都易過E2，下篇文都分析E2

DSE ECON 2026 ｜簡樸房條例即將生效限價後限質基層租戶得與失

Thu, 05 Feb 2026 06:07:13 GMT

1. 繼2022實施劏房租金管制，規定劏房業主在2+2年租期內租金調整需按差估署租金指數後，另一條劏房相關法例即將於2025年3月1日實施

2.早於租金管制政策出爐時，阿SIR拍片分析過，對劏房施加價格上限，有可能令劏房平均質素下降，且業主有可能濫收其他名目費用，彌補租金不足，劏房例子活形活現了我們於價格上限課題學習過的缺點

3.如阿SIR近日熱討的醫改，公共政策是要一籃子下藥才起最佳效用，限價以後政府針對劏房質素著墨，新法例規定劏房不能少於86呎，需設獨立水電錶及廁所，告別一代籠屋，提升草根階層居住環境

4.雙管齊下，劏房問題迎刃而解？要留意的是限價最多只限4年，市價終被需求還原，而新法可能淘汰大量結構性上不能合規的物業，造成合規簡樸房求過於供，租金更為昂貴

5.考局於2025已用整題DRQ討論公營房屋供應問題，能橫跨供求、公平性、財策等社會性議題，可說是考局「有殺錯、冇放過」、培訓本地新經濟學家

當年（2022）劏房租金管制分析

DSE ECON 2026 | 樓價真見底？一片學盡影響港樓供需因素

110分鐘學精Government Intervention

DSE ECON 2026 BOP 世界級教材 | 美元指數下挫至4年低位特朗普對等關稅的最後一步大棋成真？

Wed, 28 Jan 2026 04:16:25 GMT

DSE ECON 2026 劇透水晶球｜ DRQ篇

隔晚美元指數下挫1.5%至4年低位特朗普對等關稅的最後一步大棋成真？

1. 如果用BOP去睇特朗普9個月前祭出的對等關稅，整項政策背後概念係顯然而見的，於往來帳的貿易逆差日漸擴大、資本帳中的借貸亦如雪球般累積

2. 整個遊戲美國想借、有人可借，兩邊帳不斷擴大，問題何在？問題出於美債需求漸見疲態，想借的多、可借的少，債息便會猛升

3. 對等關稅既拉高美國人買進口貨與服務的成本，減緩逆差擴大，另一邊廂可用作談判桌籌碼，迫使倚賴與美國貿易的國家購買美債，此消彼長，讓息率向下

4. 如果要貼切形容美元貶值於整項關稅政策的角色，我會用細個玩街頭霸王的終極大招all you get��，美元貶值表面上令入口更貴，再削逆差，現實上係對所有債務進行大割價，借時值黃金、還時值黃豆

DSE ECON 2026 不一樣的結局

對等關稅DRQ MOCK 我會釘喺床板念念不忘

DSE ECON 2026 精選最熱10問LQ MOCK

連年勁中師兄師姐忘記告訴您的這個秘密

BOP 總是學不會?

80分鐘改變命運的精讀課程

【DSE BAFS】有一本管理學教科書叫「曼聯」用沒落紅魔學P1 Management Functions

Tue, 06 Jan 2026 08:02:20 GMT

6/1/2026 戰前與體育總監炒大獲曼聯終炒阿摩廉

1.喺周末又悶和一場嘅曼聯終於夢醒，怒炒領隊阿摩廉

2. 阿SIR不止一次用曼聯管理質素為例教BAFS P1，之前講過雲佬同阿摩廉雙教頭冇可能共存學unity of command

3. 今次阿摩廉落穫傳聞係與球隊新設體育總監不咬弦惹禍，管理學unity of direction講求同一objective嘅task要under one man, one team，好讓佢align resource去達成一致目標，明顯地，曼聯喺同一目標上嘅tasks存在多個不同山頭，呢個都係大公司通病

4.提醒返考局喺2025考咗unity of command嘅好處，當中塞咗兩個似是而非嘅，答中率都麻麻地，2026捲土重來可以考埋unity of direction

5. 縱觀整課管理學，曼聯問題唔單純喺organizing 或leading，根子裡連planning 裡的goal setting也不對，佢哋從來冇以爭標做目標，未開季已說頭6就任務完成，一代英超班霸當自己新特蘭咁打，唔輸先奇情

一步不出家門

學最好商學課程

DSE BAFS 2025 P1 MCQ 18

Unity of Command的好處

近6成人GG

25/9/2025 巨額賠償窒礙英超班霸爭標夢付出與回報務必平衡的管理哲學

最近prep緊UK AQA AL ECON Market Structure嘅教程，佢裡面有個sub chapter講divorce of ownership from control，簡單啲講：

1. 企業係以利潤極大化為目標，但好多時一啲大企業，由老闆以外嘅第三方去管，佢哋未必會好努力同你跑利潤

2. 情況有兩個：第一係管層嘅得益同佢個決定嘅回報唔par，所以佢唔盡力；第二係管層因決策失誤成本唔高，所以take excessive risk

3. 前者好多大型科技都做緊，同員工分股權，成果共享，好似NVIDIA咁個個都千萬富翁；後者連教科書都寫到好唏噓，本來用罰嘅制度可以扭正，但因每次炒管層佢哋都會獲賠好多錢，所以佢哋唔怕炒

4. 據聞炒廉仔要1200萬英鎊，所以曼聯無論喺HKDSE BAFS嘅Management Function同UK AL 嘅Profit Maximization都係阿SIR必用例子

一堂學畢一整課

一課通曉AQA ECON MARKET STRUCTURE

25/4/2025 【喺曼聯身上都學得懂BAFS?】雲佬離巢看Unity of Direction & Unity of Command

1. 短暫帶領曼聯4戰3勝1和嘅名宿雲佬宣布離隊，結束為期5個月的奧脫福Comeback

2. 看見一位具號召力的曼聯傳奇離隊，球迷無疑感到失望，但管理學上，這樣的安排可能是對曼聯最好的選擇

3. 喺BAFS卷一Management Function學嘅Unity of Direction，一樣目標嘅activities要under one leader, one plan，一山藏二虎會令球員confused、不同派系的人員也會漸生衝突，阻礙了目標達成

4. 而去到球員level，一間球會有兩個head coach (一個官方、一個非官方但具權威性），當他們同時對球員下達戰術指示，球員便會無所適從

5. 同學難免會覺得unity of direction同command 好難分，其實前者重點是目標為本的宏觀企業setting；反者是微觀個人為本的人事reporting

DSE BAFS 一個Depreciation小財技令美科企每年每間多賺數百億美元？

Mon, 05 Jan 2026 03:49:14 GMT

美國科技7雄MAG7的千億折舊術

1. Depreciation 係喺BAFS好早段學嘅year end adjustment之一，亦係多個accounting principles嘅實踐，阿SIR喺課堂成日都講，如果一間企業買車要喺當年盈利扣數，咁冇CEO會做投資，所以會計佬會約CAPEX（資本支出）分攤

2. 進入AI軍備競賽，君不見科企動輒以數以百億掃晶片及其他AI相關設備。為免影響盈利，呢啲科企悄然在過去5年間調節對電腦設備折舊嘅使用期限，大部分由2020年開始將折舊3年嘅期限放寬至6年，換句話說每年折舊支出因此削半

3. 同學可能會問，其實無論3年定6年，最終舊大數都係要俾，點解科企會選擇拖？美國科技7雄長年靠盈利憧景撐著非常大嘅股值，市場對盈利消息極為敏感，投資AI回報未定，倘市場看見盈利萎縮而科企仍千億萬億訓身AI，恐怕故仔會講唔長

4. 結果就係數佬最拿手，分攤有咁長拉咁長、個折舊%前輕後重，未來幾年無聲彷有聲，博一鋪AI投資平地一聲雷帶來盈利爆升時先book 返啲資本支出入去，consistency、matching concept 都擺埋一邊

5. 美國大空友Michael Burry兩個月前指因為呢種折舊操控，科企盈利被高估20-30%，令人更擔心嘅係科企大舉買入嘅晶片生命週期只有2-3年，比其他電腦設備都要短，卻坐著6年分攤，形成港人熟識嘅負資產

原來您哋學緊嘅Pre-Balancing Day Adjustment係咁值錢嘅！

DSE ECON 2026【天命最高經濟學】尋秦記的Externality

Mon, 05 Jan 2026 03:32:34 GMT

1. 相隔24年才推出後續電影嘅尋秦記無疑係一代人很美好嘅童年回憶，電影公司嘅marketing也不是省油，首映日以密過巴士嘅場次喺除夕日獲大眾加冕封王，每一步都有精心計算

2. 報導指當日晚上10時後票房也達200萬，以每張戲飛$70-80計算，當晚10時後也多了數萬人因著電影在街上游走，記者寫標題當然有理冇理，大字標題「尋秦記帶旺夜繽紛」云云

3. 考局喺2025年Sec A文字題問學生點解一啲補習老師喺線上發布免費教學短片，學生得益但冇俾錢都唔一定存在externality，針著嘅地方就係補習老師因為呢啲短片嘅其他獲益同學生獲益嘅比較，假如無異，補習老師都叫fully compensated

4. 返返尋秦記個case，阿Sir當日2145喺九龍尋秦，兩個鐘穿梭返現代之後，成個商場已半打烊狀態，人群都只能帶著飢轆轆嘅身影離開，原來external benefit也不易吃

5. 呢點關supply elasticity事，本地零售餐飲業多年來開舖概念都係我開咗喺靚位置，課了昂貴租金，客會登門來造訪，佢哋冇因客戶喜好、習性等數據而調節營運嘅「舖追客」邏輯，最終輸給了網購、輸給了時代

一步不出家門

也能通曉DSE ECON/BAFS

【重磅】決戰DSE ECON 2026 必考公營醫療費用改革

Tue, 30 Dec 2025 09:14:52 GMT

旨在改革本地醫療資助架構的費用改革即將於2026年元旦日生效，公營醫療所涉的供求、分配、公平性、界外效應、宏觀經濟政策，與DSE考核內容息息相關，為2026長題目提供絕佳出卷燃料

政策細節：

1. 急症室非危殆、危急類別病人劃一收費每次$400

2. 專科門診、放射檢測、住院及藥物等均被調高收費

3. 豁免機制由原來只涵蓋綜緩戶及75歲以上長者（30萬人）擴展至公屋戶（140萬人）

4. 不論入息每年封頂醫療費用1萬港元

應對問題：

1. 急症室輕症比率高，達60%

2. 專門門診亦因輕症泛濫令資助大部分落於小病上

3. 公營醫療藥物及放射檢測收費過低

4. 公私營醫院資源錯配，私院醫生佔整體5成，但僅服務全港10%病人

5. 人口老化對醫療體制造成負荷

6. 醫療技術及設備成本上漲

DSE ECON 長題目的可能問法

1. Opportunity Cost��

為何公營醫療費用提升未必增加用者機會成本？

2. 效率

調價後輪候時長下降如何在供需圖呈現？

3. 凈損失

以界外效應概念展示調價如何縮少凈損失？

4. 公平性

調價如何影響或不必然影響結果/機會均等化？

5. 其他解決方法

除調價外，有沒更佳解決分配公營醫療服務的良方？（加稅？全民醫保？）

DSE ECON AI 改寫PRODUCTIVITY、LRAS | 輝達黃仁勳被時代雜誌評選為2025風雲人物

Tue, 16 Dec 2025 04:10:15 GMT

1. 作為移民後代，黃仁勳自少在美國寄宿學校讀書，室友也是被打得遍體鱗傷，黃憑藉聰明天賦，教導學長學習，成為黃口中「也許，他是唯一不用帶瑞士刀上學的學生。」

2. 似曾相識的是類似經歷也曾見於Elon Musk傳記，在狹縫中掙扎求存可能是成為萬億富豪的first round interview。黃及後半工讀於餐廳作洗碗工，輾轉在畢業後在科技巨臂作架構工程師，故事並沒自此平凡下去。

3. 在90年代，他和另外兩位工程師看好個人電腦市場，而當時電腦圖像只支援2D，後續你我也懂為故事補完：「梗係做3D啦」。他們曾試過胸有成竹做出一套市場原來只需一小部分的方案；曾走了兩年冤枉路與市場逆了制式，冒天價違約金抖膽要求世嘉解約等… 教科書式的教悔：成功從來都捷徑免問。

4. 這場零和遊戲其中一場重要的博奕是黃把賭注都放在「平行運算」，令電腦可仿效人類神經系統做出同步運算，時代為這個黃最初沒有答案的解決方案開啟了大門，算力在千禧一代成了強國競逐的萬物之源，在做任何事也derive着對晶片需求的universe，黃的故事仍徘徊在「正午以上，黃昏未滿」之scene

DSE BAFS PARTNERSHIP 終極滿分寶鑑

Tue, 09 Dec 2025 09:02:46 GMT

1. 2025年Partnership大刀劈咗Realization，剩返咁少嘢考可能係想永久將呢課打入冷宮唔放Section C；悲觀啲另一個玩法係existing嘢會考得更deep、更艱深

2. 睇返咁多年DSE從來冇考過Goodwill account kept on book，未來幾年刁鑽goodwill handling，會係潛在killer

3. 阿SIR你之前唔係講過喇咩，係！片都拍埋講齊一直開、一直唔開、開開下唔開嘅操作，十分建議盡早睇返

4. 今次除咗goodwill handling，另外列舉咗6點partnership避雷、拆雷必學，呢啲都係同學生做題時典型嘅棘位，如果你覺得操題操到冇進步，錯來錯去都係果啲，咁係因為你只係重複勞動，未有喺錯誤裡面學返要提防啲咩、下次點避

5. 建議溫熟partnership後，操咗2-3題後睇呢條片，袋哂啲「蕉皮」落袋，再喺後續操嘅10題8題內積極防跣，打返個信心出嚟

6. Bal 數非難事，不外是「用啱方法」4隻字

7大避雷攻略大放送

TRIAL BALANCE 小細節、大提示
按月計INTEREST ON CAPITAL, INTEREST ON DRAWING, PARTNER SALARY
GOODWILL 處理 - 一直開、一直唔開、開開下唔開
REVALUATION的資產在當刻的真實價值，不要盲跟TRIAL BAL
ALLOWANCE FOR DOUBTFUL DEBT對REVALUATION的影響
PARTNER SALARY 如果已用錢俾，不再入CURRENT
CAPITAL SURPLUS 或 DEFICIENCY 的應對

立即入手全港最清最明

PARTNERSHIP精讀課程

【DSE BAFS RATIOS】囤幣公司的估值神話原來RATIO可以咁樣玩到出神入化﹖

Fri, 05 Dec 2025 18:52:46 GMT

1. 近年美國出現不少業務只有囤幣嘅公司，它們大手買入加密貨幣，再利用市場給予囤幣公司的高估值，向銀行抵押股份融資再購幣，無限loop

2. 當然呢種模式嘅兩個先決條件系加密貨幣價值呈長期升勢，且公眾要給予囤幣公司高於幣值嘅市值，故事先可以寫落去

3. 單是11月中後旬至今，比特幣下跌近3成，囤幣公司神話漸破，最典型於美上市嘅Strategy，公司管層曾豪言「賣腎也不要賣幣」，股價已由高峰540多元「斬件」至180多元

4. 今日真正想講嘅係PB RATIO，股價對資產淨值比，剛才提到公眾給予囤幣公司嘅估值高於其所持幣價值（據報是1.2倍），意即股東唔用$100蚊直接買$100幣，而係用$120買一家持$100幣嘅公司，依書直說就係股東睇好資產喺公司管理下有更良好願景，說白了都是炒鬼投機而已

5. 用AI SORT咗香港地產商嘅PB做參考，0.07至0.74不等，一律有所謂管理層折讓的，以PB表現算最好嘅領展來說，股東只願用$74買領展持有$100資產，原因很簡單，資產是值錢，但在你手上會變怎樣是存有變數的，所以強如房產有客觀價值嘅資產，公眾都未必會用等價去買一間公司嘅股票

6. 再睇之前傳財困嘅新世畀，PB僅0.07，帳面上即$7買$100嘢，但你見「咁荀」公眾都唔會仆到去買，好似街市有人同你講10蚊4個日本桃咁，你知係唔食得嘅，PB理論上睇股價有冇被低估或高估，另一邊廂亦很公開處刑式反映大眾對公司管層嘅信心

7. 講咗咁耐，DSE BAFS冇考PB，攞嚟對到標嘅係PE，股價對盈利比，講PB係想用實例形象化RATIO應該要點學，認清分子分母擺位原理及原因，應用於每一個比率都會更得心應手

一課通曉ACCOUTING RATIOS

DSE BAFS CORRECTION OF ERROR的終極攻略

Wed, 22 Oct 2025 06:03:52 GMT

ERROR基本上SEC C大題鐵膽，亦係學生總會望而生畏嘅一課，原因好簡單，同proofreading一樣，英文底打得未夠好又點幫人改正，其他課次要熟書，的確係係ERROR做強嘅不二轉捩點

但凡事總有方法，好似教proofreading咁，阿SIR都會列齊常考地方俾學生有據可依，ERROR其實都不例外，喺精讀課程我哋會cover所有ERROR奇難雜症，at least唔會臨場被考起，到最後有冇星就睇大家係咪小心enough喇

呢條片就係講果8大小心位：

1. Trial Balance嘅殘局布置

2. 計到喊嘅Depreication時長

3. 自動自覺做嘅Debenture Interest / Depreciation

4. 喺寫journal 當刻已要部署下個sub題點有效率地做

其他就去片睇��

立即訂購 CORRECTION OF ERROR 精讀課程

CONCEPT 全清 + 瘋狂操題

DSE ECON MONEY FEATURE & FUNCTIONS 【避險資產狂熱】金價破頂現貨金上破4千美元

Thu, 09 Oct 2025 09:56:51 GMT

1. 自美政府停擺後，避險資產如黃金、加密貨幣等一路上衝破頂，可說是一次對傳統貨幣不信任的「原欲覺醒」

2. 以往資金避險會買入日圓，但近乎已拜相的高市早苗大鴿派作風令日圓有再度沉底隱憂，資金無處可逃下，造就了黃金、比特幣大爆升

3. 先前分析過美債高不可攀，所謂對等關稅戰，劍在貶美元滅債，這輪在沒有重大戰事下金價破頂，反映熱錢已開始為脫離主權貨幣做準備

4. 在區塊鏈技術磨刀霍霍、實體資產代幣化(RWA)之聲始起彼落之時，下一種世界貨幣又會是誰？

5. 回到DSE，試以兩個金錢功用，分析大眾對美元信心下降的可能原因，2026 DSERS有信心答好嘛？

MONEY最清CONCEPT | DSE MONEY & BANKING精讀課程

【DSE ECON MONEY & BANKING】 RWA實體資產代幣化梵高幅畫都可以攞返嚟做貨幣？

Thu, 09 Oct 2025 09:49:01 GMT

1. RWA(Real World Asset)指把實體資產推上區塊鏈，再用智能合約進行買賣，令實體資產如加密貨幣一般，於去中心化市場中7*24、無界被交易，用一個淺白例子，一幅梵高名畫，分成1萬個代幣，賣給1萬個人，他們各擁該畫萬分之一業權

2. 換句話說，區塊鏈令不同屬性的實體資產再次趨近優良貨幣特性：更廣泛被接受、更標準化地被量度、便��度更高、更易拆細等，假以時日，主導世界貨幣可能再不是主權貨幣，而是公眾更信賴的一種實體資產

3. 實體資產虛擬化將大力提升資產流動性，因原本質優但價貴資產可被拆分細份出售，售後再由共同利益者推動資產增值，資產流動化亦令潛在抵押品走向多元，擴大信貸活動，令實體經濟增長

4. 縱然現階段RWA仍存不少技術上疑難，例如：稅務與法律、如何避免同一資產被雙重代幣化、如何在實體端管控收益再分派又或是如何避免實體資產「劏場化」等問題，但一切都是時間和技術可解決的問題，關鍵東風在於政治氣候

5. 挾全球優質資產、金融市場、自由市場結構在手的香港可能很快找到真轉型的鑰匙

DSE ECON MONEY & BANKING精讀課程

CONCEPT最清實例最強！

【DSE BAFS COSTING 入門】45分鐘學齊所有COST TYPES、COST BEHAVIORS

Thu, 25 Sep 2025 02:33:39 GMT

Costing 一開閘排山倒海嘅成本種類已經「懷疑人生」？學校話做做下就會明，真係船到橋頭自然直？學BAFS一定要追本索源，明白會計佬點解要咁樣分cost，往後就冇必要再死記硬背：

最強COSTING支援 | 兩課精讀搞掂成個DSE COSTING教程 | 每課額外狂操10年PP

- Absorption Costing vs Marginal Costing

- CVP Analysis & Cost Decision Making

1. Direct Cost vs Indirect Cost

Direct Cost係能夠直接��落cost object嘅cost，如片中所講一齊去唱k，有個肥仔食兩碟飯兩罐汽水，呢啲cost係��返俾佢，就係direct cost，k房最後收固定$200服務費，佢係��唔落是旦一個人度，分唔到邊個計多啲邊個計少啲，呢啲就係indirect cost，indirect cost最終要用個方法去分攤，例如除人頭

��

亦都要小心考題將個cost object轉埋嚟fake你，我哋學嘅時候多數啲cost係套落件貨度，2022 DSE有題輕輕問如果cost object轉咗做間廠，咁間廠嘅utility、depreciation、labor cost都會變哂direct，所以都係果句「唔好死背乜嘢cost係direct、乜嘢cost係indirect」，人哋一郁個cost object，死背嘅同學就會變哂failed object

DSE BAFS COSTING 入門 45分鐘搞懂所有成本種類 ｜ https://youtu.be/P7wvdbdSR5Q

2. Prime vs Conversion

Prime Cost 原理上係direct manufacturing cost都要擺入去，想睇嘅係件cost object底盤直接引伸嘅成本，令管層知道貨底係幾錢，便於訂價。Prime Cost基本盤係Direct Material 同 Direct Labor，但正如佢定義所言，我哋劃得落direct嘅manufacturing cost其實劃埋落prime cost係講得通，不過無論喺DSE考題定現實世界都係少見，因為就算depreciation真係由單一產品引致，每件貨食幾多depreciation都可能有好多假設，最終都係靠分攤，但如果題目有逐件計錢嘅版稅（Royalties)，就要放埋Prime Cost。

Conversion Cost 係將原料轉化成Finished Good 嘅成本，換句話說即Direct Labor + Variable Production Overhead + Fixed Production Production Overhead，簡單啲講就係成個點石成金嘅過程要幾多錢。留意返Prime Cost 同Conversion Cost 係有重疊部分，所以你唔會喺報表睇到睇到呢兩個cost擺埋一齊，反而個用法係倒返轉報表列齊啲成本，報表用家再按需distill返佢哋當時要睇嘅嘢

不斷更新...

3. Variable、Fixed 、Mixed、Step

Cost Behaviors 對後續學costing非常重要，因為唔同behaviors嘅cost會被放於報表唔同嘅地方。

- Variable cost 係每做多一件cost object就會induce 多一蚊嘅cost，或者官腔啲講係隨著output增加，佢就增加嘅cost。之後喺marginal costing，我哋會用Selling Price減哂啲variable cost 計contribution margin (CM)，最後先減fixed cost計net profit (NP)

- Fixed cost 同variable cost係恰恰相反，output 增加減少，佢都係俾咁多。Fixed cost 重嘅公司最怕營業額跌，因為啲cost 冇跟跌，往後學CVP時嘅Margin of Safety% 其實就係計緊間公司有幾多%嘅營業額係用嚟蓋fixed cost、有幾多% 嘅營業額係用嚟搵真銀

- Mixed Cost 又稱semi variable，夾雜fixed同variable component 嘅cost，要學埋hi-lo method用高點同低點個成本差除返個量嘅差，去��返fixed 同variable，咁就殊途同歸擺返佢哋喺適當位置

- Step Cost 係一啲到指定階段會升嘅cost，個cost嘅形態好似向上嘅樓梯級咁，到某階段直上、維持；下一階段直上維持，咁當佢fixed 定variable cost好？focus 返喺你當直用量，直用果粒cost做fixed cost便可

喺cost behavior 學到呢4隻cost，最終都係變返做2種��fixed / variable 入帳，有陣時同學覺得BAFS好難記，係因為佢哋死記件事，而唔係記著原因，分cost behavior嘅原因係方便之後P&L擺位，同肚餓我就食飯係一樣，你係唔需要記著要食飯

4. Product vs Period

喺financial accounting 嘅concept一課我哋學過matching，佢想你將啲支出book返落相應嘅收入，咁你就justify到gain / loss。

Product cost係將啲成本book落件貨度，因為做件貨所以引伸嘅成本；相反Period cost book 個時期度，前者啲成本跟著隻貨走，如果當期有貨帶去下年，成本入下年本簿；後者則book哂喺發生時期

Under Absorption Costing 同 Marginal Costing，大家對product / period cost定義不同，所以計出嚟嘅NP都會唔同，我哋只要用清兩種視角去諗嘢，其實唔難

一片打開學習costing最靠譜的門｜ https://youtu.be/P7wvdbdSR5Q

打爆Section C | DSE BAFS Incomplete Record 攻略 (不斷更新)

Tue, 02 Sep 2025 08:51:33 GMT

奪星必煲Incomplete Record 精讀課程，再跟阿SIR垂直瘋狂操題，SEC C信心大加乘

一課精讀學清Incomplete Record

加狂操10+條PP

Attempt Incomplete Record 要有GAME PLAN

1. 小心倒推期結日庫存嘅蝴蝶效應，例如：你喺1月7日，1月2日賣咗貨，個客6號return返，但未運到返倉��呢啲彈出彈入再彈出嘅case最容易中伏

2. 蝴碟效應仲會出現喺：已經俾咗bal c/d你，但後期闡明當初計算有誤，咁我哋除咗要做返正確entries外，仲要改balance，呢啲都係會影響balancing figure嘅細位

3. 自己要籌建定啲搵數路徑，incomplete不外乎：

- 用trade receivable/ trade payable 推手sales 推purchase，但通常唔會咁益你喺呢一關就打到大佬

- 用GP Ratio ��Sales及COGS，通常呢個會配合埋計closing inventory

- 如果上述兩步各出現雙unknown，冷靜開埋cash / bank account 去睇數據

4. 小心cash 同bank 佢俾你嘅information只係節錄，例如：佢話cash sales was bank after 乜乜乜，但果個cash deposit唔止得cash sales

5. Incomplete之所以長登Section C大雅之堂，第一係因為佢夠全面；另外佢考核到會計佬嘅核心特質：細心，要做好incomplete你要熟哂

- Trade payable / trade receivable嘅全盤擺位

- 由sales funnel落GP嘅每個可能，如inventory loss 攝邊

- 最重要係幾條路點拼湊、聯動令真實畫面呈現

- 最後係鋪陳P&L、Financial Statement嘅細心，兵荒馬亂時喺bank 出現過嘅expense最易漏，而保險賠返存貨/現金損失嘅操作都係完美收官嘅關鍵位

【DSE BAFS】超級BANK REC 攻略

Thu, 28 Aug 2025 02:24:50 GMT

編按﹕唔講知己知彼果啲老土嘢，睇多幾篇按課攻略你會開始 明，人哋點SET局去攻、你點學返適當嘅SK ILL SETS去守，最後其實每課都係咁學、都有方法做啱做對！

一口氣做返哂10幾年BANK REC，HKDSE+會計師公會MOCK，攞個感覺歸納出呢篇超級BANK REC攻略，學BAFS齋學規矩唔出海遇見下風浪，粒星點會穩袋落袋，送俾大家 超級BANK REC FAQ ：

1. 啲entries使唔使寫日期?

BANK REC有時要你跟指引準備原來本cash book，呢個情況係一定要寫日期；但如果係已經有cash book，你要搵返adjusted cash book balance，即你做緊個controlling角色，就冇必要寫日期

2.改正cash book啲entries，係咪直接填返stale cheque、direct debit呢啲「bank rec學名」就ok?

T account本身啲entries就要對應T account，stale cheque係由trade receivable嚟就要mark 返trade receivable；direct debit對口係electricity expense就要填返electricity expense

3. 幾時unpresented cheque係加？幾時成係減？

BANK REC場景有corrected cash book去bank statement balance、有bank statement balance去corrected cash book、瘋狂起上嚟有bank statement balance 去未update嘅cash book balance(2020Q9)，所以從來唔係指定錯誤（unpresented / unncredited)係加係減嘅問題，而係該錯誤點樣令到你手上比較緊嘅balance 多咗定少咗嘅問題（bank rec 上下方balance多咗就加、少咗就減）

4. 係咪cash book有、bank statement冇就一定喺cash book度改 & vice versa？

Cash book/Bank Statement都可以做咗啲多餘嘢，做bank rec嘅目的大部分時間係改錯，所以如果cash book有、bank statement 冇，而明確顯示係cash book做多，我哋都會改cash book

5. 玩咗咁多年，仲有咩題型值得玩？

會計師公會有幾題新穎玩法都值得跟進：

a) cash book balance唔係直接俾你，而係俾月頭，再灑啲該月total receipt、total payment，務求玩你一輪先搵到起埗點

b) 零零舍舍有一個bullet嘅操作，例如credit transfer係唔俾粒數你，一路unknown 到尾要你迫返出嚟

c)見過最癲嘅係bank statement收咗overdraft interest，個interest跟year end balance嘅1%，而year end balance已俾咗你，即要倒推返粒息出嚟，呢啲絕對係星星位

6.我學果時明哂所有操作，總係到做果刻會唔啱？

BANK REC最令學生破防嘅係，我哋一直嘅做人做事嘅原則都係修正錯處，做英文proof reading 如是、做correction of error如是，但喺BANK REC我哋唔會控制到銀行改錯，我哋只能改哂cash book 錯處後，再解釋cash book與bank statement嘅分歧，呢一環係學生最弱，佢哋未明bank rec係「還原」bank statement 錯嘅balance，再做埋類似2020Q9果種用bank statement 還原去未修正嘅cash book就會亂到阿媽到唔認得

由呢度起埗重頭操起

��BANK RECONCILIATION 精讀課程

DSE BAFS ABSORPTION / MARGINAL COSTING 攻略

Fri, 15 Aug 2025 08:10:19 GMT

破解ABSORPTION / MARGINAL COSTING 7大雷區 | COSTING即滿分

熟書先睇攻略

不熟書先喺呢度跟操

1.題目俾income statement，要你轉另一種costing mechanism��由closing inventory 起埗，總會發現破題鑰匙

2. 留意題目上cost attribution每項嘅單位，係per unit/ per kg 定per hour，一子錯滿盤皆落索

3. Actual is same as budget，呢句說話暗藏殺機，variable cost 係真一樣、fixed cost要睇production scale 或每件有冇用多咗影響POAR果粒 cost driver

4. POAR absorb落個時數非件數，咁樣就算budgeted production level 同actual production scale 一樣，都要再check佢每件有冇用多用小鐘數做

5. Fixed Production Overhead可以拆開做俾你要你判別邊啲係邊啲唔係，再每隻都可能有under/over absorption

6. 有Opening inventory就要睇兩年嘅per unit cost structure 係咪一樣，唔係嘅要weighted average，closing inventory 數量亦會受影響

7. 解釋兩種計cost方法嘅NP Differenxe，要用absorbed FPOH而非actual，因為開初吸入closing粒數係估算果粒

【DSE 讀書心法】如何做到1吋長、8倍強﹖同步磨利你的長、闊、高

Fri, 15 Aug 2025 07:23:09 GMT

暑假可分多點時間談讀書方法

1. 高中同學這數天應該開始告別暑假，陸續回到校園補課，準備為新學年奮鬥

2. 近日在準備英國AL的教程，當中有一少段落關於volume economies，內容指大企業的容器只要長、闊、高分別比細企業長1倍，容量便是細企的8倍

3. 這裡道出的關鍵是平衡，先找出達成你目標的長、闊、高，把3邊都磨利，才可達致進步的最佳效能。套用在操練DSE的例子上：知識、審題、答題，做好知識基礎搭建、expose自己to as many as related questions、把知識溝通在考卷上

4. 當局者迷，一些同學（包括20年前的阿SIR��)在高中時未找到真正讀書門路，會迷信把書本煲得滾瓜爛熟，便是盡了責任，成功與否由天決定，從而忽略了自己懂不懂理解試題、回應試題，結果長做到5cm、闊1cm、高1cm，也敵不過長闊高均2cm的同學仔

同步由知識根底、審題、答題達看得見的進步

【DSE ECON 2028】ELECTIVE選修課題的重大改變

guts.edu@gmail.com (EDUCATION) — Thu, 31 Jul 2025 06:22:09 GMT

【DSE ECON 2028】選修二揀一變可不選修

可棄答SECTION C

1. 考局發布DSE ECON 2028新指引，主要針對剛於2025恢復返嘅選修課程，PAPER 2 SECTION C 由9%增至11%，但不再硬性規定2選1，學生可選擇棄答該部分

封頂攞5 要輕鬆就要搣星

2. 簡單啲講就係豪11分俾佢唔讀選修��考局指做齊SECTION A & B，表現理想會有5，即係同英文卷分part A / part B 一樣，做易啲嘅PART B頂盡攞5

E1、E2都有新增潤項目

3. Elective 1 Monopoly多返要喺圖交代MC及AC關係同埋畫返Monopoly Profit，呢啲N年前有嘅嘢拉返出嚟考，另外加咗項新嘢係壟斷可能對社會嘅益處；Elective 2 多返 PPP，即同一個漢堡喺唔同地方要用幾錢買去睇貨幣購買力

2028 或以後DSERS適用

4. 唔使擔心嘅係2026、2027 DSERS呢個feed係唔關你事嘅�� 2028嘅DSERS需唔需要驚？說實話如果你本身係咪都做哂成份卷，佢加嘅嘢唔算多，好易pick up，如果你考慮豪11分，你就煩惱都冇埋（阿SIR並不建議）��

E1點播精讀課程 > $388 > 一點就明

E2點播精讀課程 > $388 > 一點就明

DSE ECON DEPOSIT CREATION 8分鐘講完IMMEDIATE EFFECT、銀行體系借1次、借2次場景

Wed, 18 Jun 2025 03:55:08 GMT

1.最近同學忙FINAL，同佢哋溫書嘅時候deposit creation一啲部分都係未破除心魔覺得銀行體系借錢出去係由Reserve度扣

2. 普遍同學喺學校只係死記咗fully loaned up嘅過程，沒細意經營當中一點一滴，呢啲點正牢牢被考局捉著，佢會成日問有人擺錢落銀行體系後，即時嘅超額儲備係幾多

3. 呢啲其實都係根底裡考你係咪由擺錢果刻嘅step 1 已經知發生咩事，再跟著考你識唔識其實成個存款創造過程，都係透過放貸，去製造存款，個R其實係冇郁過嘅。借出一次/兩次嘅場景正好考核學生係咪真正拿捏存創

DSE ECON 2026 MONEY | 以伊戰爭當日的避險貨幣走勢

Wed, 18 Jun 2025 03:25:04 GMT

1. 以伊6月13日開戰後，避險貨幣黃金、日圓均立刻拉升，黃金再次趨近52周高位水平，日圓拉升後則迅速回落；相反加密貨幣龍龍頭比特幣遇戰即急跌5%

2. 3種貨幣走向反映市場避險偏好仍然是「搬得郁、看得見」的黃金，戰亂時人們用腳押注去中心化的實體，返回以物易物的年代藏富於稀有金屬

3.事實上由特朗普主政開始，黃金價格一直高企，市場對主權貨幣信心變弱，相反同樣以去中心化見稱的比特幣則相形見絀，早於美國宣布對等關稅的解放日，美股大瀉之際，比特幣也是跟跌，同樣去中心化，理應與黃金一樣當得好standard of deferred payment的角色，為何比特幣關鍵時刻屢見失蹄？

4.或者做個簡單stimulation，倘身處前景未明不知誰勝誰負的戰區，想換塊麵包，你覺得糧食擁有者會接受你手上的金粒還是電量歸零你說你有的比特幣？除了價值波動令市場對加密幣儲值功能存疑外，the apparently most portable currency is not portable都衍生了一個流通性的問題，讓黃金恆久遠，一夥永留存。

最熱賣點播精讀課程第一位 > MONEY & BANKING > 立即入手

DSE ECON 2026 的士大戰網約車終局 500萬回購蟹貨牌的FF

Fri, 13 Jun 2025 07:55:32 GMT

1. 阿SIR早喺2025出果條的士大戰網約車DRQ就係俾同學揀政府應該回購牌照搵公司用fixed rate請人定全面開放網約車作為解決的士問題嘅良方

2. 早幾日的士業請求政府用每牌500萬回收，時值市區的士價格195萬，結果導向行動，政府幾近沒任何誘因用公帑收牌，以全港1萬8千個的士牌計，總額達900億，絕非業界所述「濕濕碎」數字

3. 倘若政府立法開放網約車，的士可說是完成歷史任務，牌價更會��間歸零。政府應該汲取過往限量發牌引致炒風，令租值高昂影響服務質素的教訓，於新策容許更靈活市場調節，擁抱科技配對帶來的經濟效率

入手大熱【的士大戰網約車】DRQ

【DSE ECON 2026】甚麼是穩定幣？它如何塑造加密貨幣的金錢特質？【MONEY & BANKING】

Fri, 13 Jun 2025 07:49:46 GMT

剛過去一個月香港和美國分別先後通過及實施穩定幣法案，建構與實體資產掛勾的加密貨幣

傳統加密貨幣波動大，致使加密貨幣與實體貨幣交易之間可能因時間差而出現損失，影響加密貨幣流動性。穩定幣基於與實體資產掛勾屬性，在鏈上提供一個穩定價值的緩衝

「簡單啲講，傳統加密貨幣就係風濤駭浪嘅海，緊有人鍾意刺激去衝浪，但衝到攰原本係冇浮台，衝得就要拼命游返去岸，穩定幣就似海中心嘅浮台，減少衝浪者浸親嘅機會」

隨著各國法制的完善，開始可以見到未來貨幣的輪廓，加密貨幣於認受性、儲值能力及被用以延後支付的能力都漸見增強

2025份LQ MOCK有相關考題

【中三揀科神攻略】多數人讀幾多個、讀邊個、點組合ELECTIVES?

Tue, 06 May 2025 04:06:03 GMT

1. 比對同一個cohort (2023-24)中四學生揀科同佢哋考DSE時實際應考嘅數據，只計算5千人以上考嘅科目，drop 得最大幅度嘅，依次為旅款、VA、中史、化學同地理，以人數最多計，化學係最多人drop嘅科目

2. 喺揀科嘅多寡上，近6成同學雄心壯志揀夠3科但最後得返4成3左右係會考齊3科，不過呢個都可以係策略一部分，sort 剩最有把握嘅3科作戰，最後再foul一科走，但要提醒唔少學校會為咗做靚自己「盤數」而鼓勵校內試成績差嘅學生drop科，都係果句自己取回自己學習主導權��

3. 最受歡迎組口係PHY CHEM BIO，如果你睇開阿SIR分析，呢3科攞5或樓上比例高，純以入U為目標，呢3科係最屈，但如果你同樣睇埋中四揀科vs中六實考，揸著呢3寶嘅人唔少會drop physics，而有趣嘅係一啲原本9唔搭8嘅BIO CHEM ECON，走到最後竟然係只考BIO ECON。

4. 最後想講嘅係首5最受歡迎組合3年間有凈增長嘅係BAFS ECON，而呢個亦係第2受歡迎應考組合，重溫阿SIR之前講過嘅揀科重點：科目資源、奪星比率、自己興趣

5. 其實大家最後嘅興趣只有PHY CHEM BIO ECON BAFS��

兩條LINKS 盡攬全港5星星

DSE ECON / BAFS 點播精讀課程

DSE ECON 5**ALL IN 試題套餐

S4開心揀科時有近6成人揀3科，到S6殺到埋身時得返43%人真考3科

以5000人或以上應考科目計，Drop科率最高依次為旅款、VA、中史、化學同地理

最受歡迎應考科目組合非PHY CHEM BIO 同ECON BAFS莫屬！

DSE ECON GDP DEFLATOR | 留意比較年份唔好高過100就當通脹

Fri, 25 Apr 2025 06:27:33 GMT

好minor但未必全部同學悉覺，如果考GDP Deflator，要好留意佢叫你比較嘅period，唔好見到佢高過100就填通脹、低過100填通縮

舉以下例子：

2020 118

2021 105

2022 96

2023 98

如果題目問2020-2021年間價格水平變幅

105-118/118 * 100% 係負11%通縮

如果題目問2022-2023年間價格水平變幅

98-96/96 * 100% 係正2.08%通脹

高過100只係果年同基礎年(base year)比較係通脹

一堂學清GDP>>

DSE ECON MONEY & BANKING | 教一次MS、MB、Deposit Creation同框題型

Fri, 25 Apr 2025 06:16:18 GMT

唔少同學見到呢種題目會投降，其實佢最透徹考到大家貨幣基礎、貨幣供應同存款創造關係

題目話$200新錢印出嚟後

公眾手揸$100

暗示另$100擺入銀行體系滾存

最終MS 加$500

呢啲題冷靜列返啲式出嚟慢逗

MS (+$500)= Cp (+$100) + DD (?)

兩下就逗到DD實加$400

將R +100 DD+400套返落bal sheet

實數 R400 DD 1400

RRR 0.2 * DD1400 ��required reserve $280

現在是$400��excess reserve $120

立即入手Money & Banking 精讀課程

【DSE ECON】 GOVERNMENT INTERVENTION 喺表點移位﹖

Fri, 25 Apr 2025 05:48:37 GMT

同學仔做econ計數題總係衝唔出自己嘅心魔，覺得反正是計不了，其實識玩一定玩計數，因為答案好certain

3幅圖教大家搞掂表上徵稅/派津貼題型

STEP NO 1 | 收稅case預多行出嚟當supplier要俾哂稅，直接從價格減走稅項，得出圖1 第2行嘅supplier實收

STEP NO 2 | 按呢行supplier實收，重新調節QS，原本supplier收$10、$11只做300及400隻，放返落supplier實收個$10同$11度

STEP NO 3 | 稅前均衡點喺$12（500隻成交），稅後均衡點喺$14（300隻成交），同每個答案拼一拼對錯

A. 新成交係300隻，每隻$4稅，總稅收$1200 good bye son

B. 總收益冇講稅前稅後當佢稅後$14*300 -12*500 少$1800即走

C.consumer 俾$14-12稅，$2同supplier一樣$4-$2 冇彈性分野

D. Substitute 因為你貴咗 demand升TR升

一般玩郁表學死一邊（either QS / QD)都夠做，但學齊兩邊可立自己於不敗之地，如個郁QD ，頭先講圖1第二行就要改做Consumer實俾，全加$4，加完將原來收$14、$15會買嘅300、200隻拉返上consumer實俾果14、15度，再一次睇到均衡點喺300=300，實俾$14，同QS個case一模一樣

一堂學齊GOVERNMENT INTERVENTION圖、表、字 >>

【DSE ECON Elective 1神部署】盤點E1 學生總係「頭暈身㷫」的地方

Sat, 19 Apr 2025 16:47:17 GMT

MB同MR原來大不同﹖

1.學開Price taker嘅同學個世界MB等於MR，一學Monopoly Pricing會有啲衝擊，亦都真正明返MB同MR係兩個唔同概念��簡單啲講受價者冇得揀收咩價，市場得出價格共悉佢只能跟，所以客個MB同佢收嘅MR係一樣

2.相反壟斷者係可以揀價錢，落低一個價位就多一個客，但同時之前啲客都要同樣落價，所以收多一個客雖然個TR會擴大，但幅度會愈嚟愈細，愈嚟愈細呢個就係個MR

3.假設頭3個客分別肯俾$10、$9、$8，我剩係做一個客收$10，做兩個客要落價收$9，total 就$18、做3個客再落價收$8，total$24，做埋第2個客邊際收益得$18-10=8，做埋第3個客邊際收益得$$24-18=6，MR$10、$8、$6同MB$10、$9、$8，MR便走慢於MB

第二價歧(2nd Price Discrimination)點CAP EXTRA CS?

1. 喺唔同degree上嘅price discrimination，同學嘅理解都係流於片面，攞2nd degree做例子，「多買多折扣嘛，咁咪cap到consumer surplus囉」

2. 呢度出現兩個盲區，第一點解有人會大量買？第二個extra consumer surplus 喺邊吸返嚟？「哦多茄」��

舉例兩個客幫我買樽裝茶

第一個MB 10,9,8,7

第二個MB 9,7,5,3

我原本劃一價格7蚊（MC)賣到6支，冇cap到嘅CS,��(10-7)(9-7)(8-7)(9-7)

價歧下同樣7蚊MC，我set單買9蚊支，32蚊4支，新制下第一個客會同我買全套，佢頭4粒MB加總34佢只要俾32所以會買；第2個客會買1支

第一個客，我食到每件$1 CS(8-7)總數$4

第二個客，我食到唯一一件$2 CS(9-7)

呢個例子解釋咗點解有人同你量購，同時點解雙價格做到食多啲CS，就係罰散買果個，同時迫量購買埋均價貴過MB果件

跟我學E1

停走冤枉路

【DSE ECON Money Demand - Ma】美債價跌美息點解會升？

Thu, 17 Apr 2025 16:03:45 GMT

貿戰亂局金融拆招﹖

1.貿戰蘊釀兩周後，主旋律開始聽到中國拋售美債，即阿SIR之前講針對關稅戰，中國可轉打嘅金融戰，好多人唔明白美債價與債息嘅關係，一般而言，債券係定額利息，例如：面值$50000美債年息$2000，咁佢息率就係4%

2. 當美債被拋售，供求關係債價會跌，啱先果張5萬美債跌到4萬市價，佢個息仍舊係$2000，息率變相升至5%，呢樣嘢係美國政府驚嘅，因為市場上啲美債都5厘息，佢哋新發行用嚟債冚債嘅新美債就要更高息先有人肯買，對國債已抵37萬億嘅美國絕對係重拳，最壞嘅情況係各國對美債失去信心，咁之前所講美國一直靠BOP金融帳順差撐貿易帳逆差嘅故事會被end game

3. 呢個關DSE ECON課Ma咩事呢？Ma係準備用嚟買帶息資產嘅錢，息率預期係會影響Ma，公眾預期美債息跌，會加緊買現在較高息嘅已發行國債，Ma跌；但如公眾預期美債息升，之後仲有高息貨執，而家就會揸返Ma

4. 我哋學monetary policy 較偏重政府控制嘅Ms，有時會忽略Money demand side 對政策帶來嘅緩衝，考局就會take the chance

立即入手Money & Banking 精讀課程

一堂定勝負！

【DSE ECON 2026】不斷更新美國對等關稅合集

Thu, 03 Apr 2025 06:37:40 GMT

對等關稅戰開打瞬為DSE ECON 2026考試塑形

1. 有侵的一天，經濟學不愁沒有新題目，在亞洲大部分人睡得正酣之時，侵祭出對等關稅大招，項莊舞劍，旨在沛公，以現時關稅再加對等關稅計，中國在新稅制下將被徵收54%關稅，是縱合各國最多的

2. 以美國入口質易額度排序，首10國被徵收22.5-54%關稅不等，除了中國，關稅明顯對於新世界工廠-東南亞地區更為猛烈，近10年受惠中國人工成本上升而成製造大國的越南被徵收48.5%關稅，僅次於中國

3. 今次關稅最終收唔收抑或係咪咁收，侵一心以關稅製亂挾令大廠把製造業回流美國，而各國要擺脫全球化成本差異的紅利，走上發展自己具真正競爭優勢的產業，陣痛可能係進步的起點

4. DSE ECON 2026 都未去到考前6個月，兩支大樁已成形，除了國際貿易，關稅可伸延考核BOP、ADAS、GDP、Elective2等題目，再以本地多線寡頭壟斷被過江龍挑戰寶座作微觀陣地戰，中五同學盡早學熟所有課次，預留時間瘋狂操題

DSE ECON 2026 INTERNATIONAL TRADE

對等關稅對香港的啟示與影響

1. BAFS Paper 1第一課有學，美國係香港服務出口的最大夥伴，倘服務輸出同樣被徵收54%關稅，對本地專業服務輸出會造成嚴重打擊，寫字樓空置率會再拉升

2. 各地應對美國關稅可用自身貨幣政策緩衝，但港元與美元掛勾，缺乏幣策工具，同時吃盡人幣貶值及美元升值的苦頭，經濟將進一步走弱，資產價格受壓

3. 內地經濟走弱已嚴重影響本地經濟多年，額外34%關稅勢將壓低內地GDP增速，香港C、I、X都有走低風險，強港元令消費外流持續下，港經濟會雪上加霜

【DSE ECON 2026】六國之滅弊在賂秦

對抗對等關稅如何打出有效真反制？

1. 特朗普滅貿赤，係有見美債吸引力大不如前，擔心貿赤大得不可控，而世界對美元資產又不賣帳的一天到臨，美元作穩若金湯嘅世界儲備貨幣地位就會易主

2. 今日無論邊一國提出嘅反制都係樹立更高嘅保護壁壘，呢個對於一心收細往來帳赤字嘅特朗普係起唔到作用，佢寧願貿易停，都不願債務無限擴大

3. 敵人怕嘅係美金冇人買，其實可以順水推舟連動各關稅受苦大國拋售美債，中日兩國為美債最大持有人，倘兩國共同發動美債拋售戰，美債息會飛升，以中日各掉手上半數美債計（5000億及8500億美債），孳息率會由現水平4.5%攀升至10%

5. 屆時儲局需印錢買回美債控息，美國再落入通脹猛漲，但實體經濟因貿戰、金融市場癱瘓而衰退嘅進退失據局面，更重要嘅係10厘息意味坐著36萬億國債嘅美國政府年度利息成本翻倍至3萬億美元，如此一來，侵的美債復興夢、儲局減息谷經濟、關稅代替國民收入稅等下一步棋通通被封殺

6. 大前題係六國論教曉你嘅團結，所以點解美國政府狂sell 早傾早享受，就係睇死談判桌上在坐各位都係_ _

【DSE ECON 2026】INTERNATIONAL TRADE X EXCHANGE RATE | 貶值人仔對沖關稅﹖

1. 之前所講，應對關稅其中一招短期菜式係devaluing 本國貨幣，人仔由侵宣布關稅當日至今微跌1%，但拉返長睇個5年 timeframe，人仔從2022年高位1RMB:1.24HKD至今已累跌15%，RMB兌港紙1:1，甚或是像想當年較港紙低水嘅日子可能重臨

2. 可能大家會認為關稅達104%，貶值這一小點有沒幫助？貶值會令其他國家買多返國貨，逐步把出口美國份額果12點幾個%縮細，另貶值令國民減少購買進口貨，實行睇餸食飯，都會做到啲緩衝

3. 但點解呢味都只係短期菜式呢？喺美國對等關稅定義裡面係有匯率操控成份，佢睇你貶佢會再加，所以終究若要真反制，都係要直搗死穴債息，演變成金融戰，但咁好易會玩到兵戎相見

DSE ECON 2026 對等關稅戰線蔓延

台幣兩日夾升10趴看中期貿戰戰果

1. 貿戰並沒因勞動假期而停竭，長假期間亞洲各國主要貨幣兌美元勁升，當中台幣曾試過兩日彈10%，成為關稅未被削減，卻率先被懲罰一員

2. 其實早於關稅戰初期，特朗普已喊話要將半導體產業移美，亦多次暗示台灣需要向美國保護付費，而對台實施的對等關稅稅率達32%，是對中國及其相關生產鏈路國外最高的

3. 台灣工商時報這年內亞幣兌美元升值圖也說明了一個事實，甚麼對等關稅都只是榥子，要麼你自己把貨幣調好，要麼我定調稅率給你2揀1，其實無論怎樣合作地傾，也是徒然，最後也是議價能力的比拼

4. 假如終極對台稅率低於25%（關稅原價32%-YTD升值9%），也是台灣階段勝利吧？可能台方官員計漏了一條數，貨幣升值是面向全球，被美國逼向用匯解決問題是全方位削弱出口力，TRUMP的美國製造夢又邁前一大步

關稅喺DSE考唔到您MICRO課題﹖

關稅戰講咗好多好深嘅macro嘢，其實佢係咪唔關micro事？用個好簡單嘅例子

尋日股票單日跌咗3000點，工商區排兩餸飯嘅人顯著會多咗，呢個就係典型income影響demand on normal good & inferior good嘅例子��income低��demand on inferior good 升��demand on normal good跌

而同一課學嘅elasticity亦會主宰邊一方burden更多關稅，一般而言，稅項係食落彈性細嘅果方，基於上述兩個原因，關稅對奢侈品市場衝擊會較深，第一佢係normal good，第二佢哋唔係necessity，需求彈性較大，對價格升幅反應會猛烈‼️

立即入手International Trade精讀課程

熱門關稅戰考題中的圖表字一課搞掂！

立即入手 BOP X Exchange Rate精讀課程

美國長久用Capital & Financial Expenditure Surplus為Current Account Deficit 埋單，對等關稅會否破壞既有生態﹖

立即入手Elective 2精讀課程

作為國際貿易的延伸考對等關稅又點會唔預埋E2

【DSE ECON 2026】京東攻港挑機另一寡頭壟斷是福還是禍？

Wed, 02 Apr 2025 16:02:49 GMT

1. 繼美團用細單價輾壓Deliveroo後，京東亦加入寡頭壟斷搶市佔之列，挑戰香港市佔極集中的家電市場，它的首次有形展示都相當「搶口」，劍指本地零售一大痛點-租金高昂，橫幅廣告放旺角豐澤上方，步步進擊對手的戰意，適不適合本地市場便見仁見智

2. 傳統家電市場毛利不高，但比餐飲平台相對易做，原因餐飲平台要同時把控毛利極低的餐廳與人工成本不輕的騎手，相反家電市場不可控環節較少，「鍊數」靈活性較強，問題只是京東電商模式是否真的能省租，電商的租在運力或取貨點，而最近已有取貨點遭壓榨而「無人駕駛」的情況下，在港能否複製內地模式似乎很多前人已證明是不可能的任務，畢竟蘇寧、國美也曾進入市場但下場如何是有目共睹的

3. 而京東的假想敵有著地產背景，要它輸只有一個可能，便是對家心淡離場。縱然如此，唯一扭轉局面的契機是徹底改變港人消費習慣，把毛利高的內地家電品牌「融入家中」，擺脫傳統國際家電品牌的Margin Squeeze，這固然是一盤大棋，但小米是做得到的

4. 這裡的經濟反思只有一個，與我們今年在餐飲、的士行業的結論一樣，香港本身產權擁有不均的結構令泛行業被租金壓抑得透不過氣來而犧牲了質素，全球一體化下比下去，本地客戶用腳投票境外消費。殘局下零售可行的棋步已不多，創意倒是其中一途，君不見一條金價值3千的手鍊倒了CHIKAWA模可賣9千大元？

本地零售業的《混沌中年時》，已屆不醒便死之時

立即入手 Elective 1 精讀課程

學好First Conduct Rule / Second Conduct Rule

抗衡壟斷企業濫用市場力量之法

立即入手 Market Structure 精讀課程

掌握寡頭壟斷/壟斷帶來的市場變化洞悉經濟先機

DSE BAFS COST DECISION MAKING亂中有序神攻略

Thu, 27 Mar 2025 06:19:29 GMT

1. Costing不如Financial Accounting般咁有條不紊，而且教嘅時候已屆中六MOCK前，反復練習機會不多，同學常會不知所措

2. 考試範圍內Decision Making 嘅場境有6個之多，但可以說考嚟考去都係果幾個，無論係接納特別柯打、自家製造/外購、有限資源下利潤最大化、砍掉虧損生產線等，琳琅滿目嘅處境，其實不外乎一個應對嘅方法��當刻的cost & benefit analysis

3. 練好應對要懂在層出不窮嘅處境當中，抽絲剝繭，找出relevant cost

- Incremental cost 當行下一步時要額外使嘅成本，例如選擇擴大生產後每粒嘅variable cost 或是購置新機器的成本

- Avoidable cost 當行下一步時能節省的成本，例如移除虧損生產線後能省去的固定成本或是外購產品可砍掉的人工成本

- Opportunity Cost 當行下一步後會放棄的最高價值選項，例如接受特別柯打後要放棄經正常銷售獲得的邊際貢獻或是繼續使用機器所放棄的即時變現價值

4. Cost & Benefit Analysis另一個精誠所至之處係避雷，識避irrelevant cost，係第2個贏的關鍵

- Sunk cost 沉沒成本係已經洗咗irrecoverable 嘅cost，對新動作已不構成任何影響，例如一啲閒置存貨本身嘅價值，已經唔係你今日賣唔賣返佢出去嘅relevant cost

- Unavoidable cost 係即使做咗新動作，都避唔到嘅cost，例如選擇砍掉不盈利生產線後，該生產線仍引致的費用

- Fixed Cost 原理同unavoidable cost差不多，pp 最典型一條問過sales 跌25%，net profit係咪一樣跌25%，其實個盲區就係個fixed cost你賣多賣少佢都唔會變，所以fixed cost 喺irrelevant

5. Costing 要熟一定要練，好似家庭醫生咁見得多唔同症狀，先會快狠準診症，考局亦有機會將啲relevant cost包裝成irrelevant，例如你死背fixed cost irrelevant嘛，我整郁個fixed cost佢，你砍掉生產線z，fixed cost跌2成，呢2成就變得relevant

講到呢度係咪有啲想瘋狂操練costing呢��

DSE ECON INTEREST RATE 利率總係唔GET點計?

Sun, 23 Mar 2025 14:02:32 GMT

1. Macro計利率大概有4條式，同學本身已叫哂救命，但考局係樂此不疲去加深個難度，好似 2023條銀債，名義利率同實際通脹掛勾，預期實質息率係零，但同時設4%保底息，換句話說只要通脹率低過4%，銀債持有者都係賺4%減實際息率的區間，通脹超過4%則沒賺蝕

2. 同學於拜讀完4條式後在應對normal circumstances也有困難的背景下，將數式部分成份好dynamic咁郁，同學下場固然係hang 哂機

3. 可能準過7師傅，interest rate 4式2025/2026捲土重來之時，考你一個負利率的showcase都是沒仇報的，學生一直學利率都係正數操作，當名義利率見負，一些傳統數式答案可能生變，例如：持有現金機會成本還會是名義利率麼？我今年（2025）LQ MOCK 有講（我每題都加設一些要識但大家唔識的tricks，好值得go thru)

FORMULA 1

名義利率 = 預期實質利率 + 預期通脹率

喺好多我拍嘅片有講，息率係借錢嘅價格，價格從來只包含兩樣嘢 - 成本與利潤。名義利率是價格、預期實質利率係利潤、預期通脹率係利潤。點解咁多嘢係預期嘅？因為喺你借錢俾人果刻通脹未發生，你只能估你成本係幾多、利潤係幾多，亦因為咁衍生第2條式

FORMULA 2

實際實質利率 = 名義利率 - 實際通脹率

喺人哋還錢俾您果刻，你已知期內通脹（成本）咗幾多，所以可埋單計數呢單借貸賺咗幾多，你用當初收人幾錢減返實際成本就係你實質賺幅，用返銀債例子，佢個名義利率同通脹掛勾，封了蝕本門：佢個保底4厘名義利率令通脹低於4%時持有者均有賺幅

FORMULA 3

持有貨幣的

名義回報：揸著$100面值嘅貨幣若干年後面值都literally係$100��所以名義回報係0

實質回報：揸著$100面值嘅貨幣若干年後佢冇$100購買力��所以實質回報係負通脹

FORMULA 4

持有貨幣的機會成本

又學返微觀第一課嘅嘢唔揸貨幣可以用佢擺銀行賺息，個機會成本就係名義利率，如前所述考局如繼續想喺4條式上有層出不窮玩法，我會考負利率時持有貨幣的機會成本��你估仲係咪名義利率吖喇

��2025 LQ MOCK 話您知

gutsedu.com/DSEECON2025LQMOCK

立即入Macroeconomics Problem & Policy精讀課程

盤點5大DSE ECON 2025 DRQ熱門議題

Sat, 22 Mar 2025 17:15:31 GMT

機會只留俾準備充足嘅同學

1. 的士大戰網約車

作為今年唯一推薦嘅本地線議題，過去一年持續不斷嘅的士與網約車紛爭，可重點考核學生微觀Production相關嘅知識，同時政府潛在收牌、網約規範化迎自駕時代等亦能讓考官著墨喺財幣兩策要學生做debate

熱度⭐️⭐️⭐️⭐️⭐️

2022消費券、2024夜繽紛，具爭議性、課題跨展性強的本地議題絕對秤高一線

2. 北部都會區

2025年4月考前新鮮追加‼️北都於2024施政報告遲來先上岸跑赢明日大嶼、交椅洲人工島等大型基建有了較concrete的action plan。所涉獵範疇多且為港府重要政策，不排除置於DRQ考核大家對本地未來經濟定位的認知與灼見。

熱度⭐️⭐️⭐️⭐️⭐️

3 . 電動車關稅戰

倘以考局T-6試前6個月前已完成考題修撰嘅邏輯，特朗普去年11月後勝選後一切關稅漣漪看怕要注意嘅係 2026 DSERS。但不要忽略拜登退休前都有發動一場關稅戰，中國2020年起憑藉電動車強勢於全球汽車銷量拾級而上，短短4年已屆撼動傳統汽車強國嘅交叉點，歐美土耳其祭出10-38%額外關稅制肘國產電車出海速度。

熱度⭐️⭐️⭐️⭐️

同樣是微觀宏觀相輝映嘅考題，一邊廂中國短時間內電車達規模效應是如何煉成？另邊廂關稅如何終局，都仿似做到2026關稅年嘅參考前哨

4 . 中央救市人行組合拳

內房加經濟積弱，內地廣義貨幣M1、M2增幅背馳，反映資金寧泊岸低回報定息資產也不作實體投資，人行使出組合拳大招同時降準、降貼現率，再放寬第二套房辣招催谷借貸需求，消息一出當周港股勁升5000點。如果出呢類型題目考局focal point重macro，要考生比較財策幣策分野。

熱度⭐️⭐️⭐️

5. 日央行結束8年負利率政策

日YEN狂瀉令國內通脹織熱，去年經歷財長換代的日本毅然結束負利率政策、停止孳息率曲線控制（減少買債控息），一連串收水動作與國際間大水猛灌之態相映成趣。日本不加息致令通脹加劇、加息卻令重債中小企及政府融資成本高企，左右為難正好考核DSE考生應怎麼行��

熱度⭐️⭐️⭐️

立即入手$718 5**ALL IN 試題套餐

【DSE ECON】 QTM 10誡

Wed, 19 Mar 2025 02:11:58 GMT

1. MV係因、PY係果，要小心考局題目倒果為因矇您，PP出過因為PY升所以MV升嘅選項，係100%錯的

2. V（貨幣流速）喺DSE嘅考程範圍係鎖死嘅，但當被問到M升，PY係咪MUST升，睇埋其他選項嘅context，先再決定，情理上MUST係唔啱嘅，因為V會郁

3. Classical Economics (古典經濟學）假定經濟處於長期，所以Y會鎖死，M郁只影響P

4. 小心一啲俾Line Graph您顯示通脹率走橫，你會覺得個P static唔郁，其實通脹率即物價增幅keep著正數，其實佢係升緊，橫線增長率無論放喺M、P 定Y都要格外留神

5. MV = PY 從來係in terms of %而唔係絕對值，例如：MV升20%，PY就會升20%；如果題目剎有介事話M加2萬、PY就加2萬，都係搵你笨

6. MV=PY其實好睇到Monetary Policy踩到邊啲位會冇效，其中一個就係市場去到充分就業水平，就係VY都鎖齊，M郁只影響個P嘅case，到時點印銀紙都谷唔起經濟

呢課會教齊

【DSE ECON精讀搶先睇】 Macroeconomic Problem & Policy

【DSE ECON】 M0、M1、M2、M3 貨幣供應最陰玩法

Tue, 18 Mar 2025 12:26:29 GMT

1. 讀書好唔好，好多時同叻唔叻冇乜關係，反而係溫書溫得夠唔夠仔細，以貨幣供應M0, M1, M2,M3為例，唔少同學仔覺得背哂成個金字塔（即M1係Cp+DD、M2係M1加SD,TD,NCD by LB、M3係M2+TD,NCD by RLB）就當溫完

2. 考局用咗好多年話俾同學仔聽死背係冇用嘅，其中一隻出眾嘅題目係：

俾一堆items您叫您計M0123

- Legal tender held by banks

- Legal tender held by public

- Demand deposit

- All Deposits held by licensed banks

- All Deposits held by restricted LB

M0 其實係Monetary Base = Cp + R，Legal tender 喺公眾手中就係Cp、喺銀行手中係reserve，剩係背金字塔就完美錯過呢part

M1 冇伏喇卦？公眾手揸Legal tender 再加大大隻字俾埋您嘅DD

M2 咪M1再加下一格嘅Licensed Banks’ All Deposits? 佢個伏位原來放咗喺M2，”All deposits係包埋M1個DD，如果直用M1+All deposits，將重疊計多咗次DD，而只要計錯M2，M3都會禍埋

M3 用個正確嘅M2加最底果格嘅All deposits by RLB就okay! 好簡單M1/M2都唔會載RL嘅嘢呢個位冇重疊

3. 相信唔少同學臨尾操pp遇到呢啲同學係選擇放棄，但整份DSE ECON卷從來冇一條係難到要棄game，你差嘅只係高質素嘅課堂

立即入手Money & Banking步步GO星精讀課程

【DSE ECON 2026 EQUALITY】急症室費用兩級制 96.4%診症同市價睇齊？

Mon, 17 Mar 2025 06:20:33 GMT

1. 財政預算案減赤兩大路徑減醫療、減教育，喺近日都漸吹風聲，包括加辣招殺校及急症室費用大改革

2. 個proposal係危殆同危急兩個級別免費，緊急次緊急非緊急由原來$180調升至市價水平，呢3個級別佔整體急症室服服9成6

3. 換句話說，一直因限價致令嚴重短缺嘅急症服務，會一刀闊斧趨近市場均衡水平，大幅度減少凈損失，政府喺efficiency 與equity 之間嘅決擇揀咗前者

4. 經濟學上更靚仔嘅圖表，留落嚟當然唔係一份心意，更大嘅醫療開支佔基層市民人工比重會直接加劇貧富懸殊，基層市民變得畏疾忌醫健康體魄削弱亦會影響機會均等化

5. 同我今年LQ mock 出嘅$2乘車優惠一樣，急症室條Supply係打棟嘅，出一整題由喺圖表畫出調價後的凈損失縮減，到文字引出同學在efficiency 與equity之間嘅debate，會係絕佳考核學生嘅議題

立即入手 Efficiency & Equity 步步GO星精讀課程

【DSE BAFS RATIO】盤點茶飲店IPO落妝後的模樣市值近1500億的蜜雪有沒秘密說？

Wed, 12 Mar 2025 16:35:34 GMT

1. 近日IPO上市嘅蜜雪冰城市值直逼1500億，適逢兩個禮拜之前講過日本仔點樣$0買譚仔，就用AI 勾返喺香港上市茶飲店IPO市值同現在市值比較睇下走樣是不是日常

2. 挾著「2蚊人仔的快樂」做號召嘅蜜雪一直主攻內地3-4線城市嘅下沉市場，到近年積極於亞太區擴張，阿SIR舊年初喺新加坡牛車水飲過一杯，係廿蚊港紙內，唯一感覺係太多冰同好淡味，一年過去已被媒體奉若到同麥當勞、Starbucks「千億比較級別」

3. 成為大眾化品牌》造織熱氣氛上市》氣氛消退股價蒸發》低價私有化，呢條似曾相識嘅路徑，或多或少係令到街上出現好多「唔知佢點賺錢」品牌嘅原因

4. 睇返數據幾家喺香港上市嘅中港茶飲店，IPO值與現值都係大走樣，當中以奈雪的茶最甘338億港紙市值上市，蒸發9成剩30億，除咗一間叫古茗沒升跌外，其他兩間都分別沒了3成及5成

5. 客觀啲睇PE天仁同古茗都係10鬆啲，蜜雪玩到2x-3x，係咪因為佢成45000店，規模大啲，願景有空間啲？1300億除4萬5千間店，圍返每間成3百萬一間；35億年盈利又除4萬5間店，每間賺得7萬幾1年，300萬擺喺香港做定期3厘都9萬1年，您說呢？

立即入手 DSE BAFS 步步GO星精讀課程

從社會實例擷取學問您便明白BAFS RATIO有幾簡單易明！

【DSE ECON MARKET STRUCTURE】點解個個寡頭壟斷都有得做係得外賣平台唔可以？

Wed, 12 Mar 2025 07:46:17 GMT

1. 根據Deliveroo年報及報導所指，香港市場佔其5% GMV，用佢大數GMV乘返，香港市場一年做緊34億3港紙生意

2. 香港寡頭壟斷行業，例如超市、電訊、便利店、地產代理等間間都風山水起，點解偏偏外賣平台會出哂事？

3. 睇返D記條數，34億3交易額，平均抽餐廳3成，即袋返10億3左右，而34億3好rough咁除每張平均單價$150，即全年做咗2290萬單，每單$50人工，盛惠11億4，未計平台維護、平台人工、大家勁讚嘅marketing，已經要多謝佢義務製造就要機會

4. 壓垮D記最後一根稻草，如美團入場時我所述，係大陸好盛行嘅細單價訂單，一入場玩一人飯堂，就算D記唔跟，對平均單價（AOV）會有好大下行壓力，咁就大件事，因為頭先用把好鬆嘅$150單價去秤都蝕入肉，咁點解內地可以，因為人哋一單人工幾蚊人仔，香港係冇可能嘅

5. 最後答返點解外賣平台做到寡頭壟斷都企唔著，係餐飲業問題，大快活Net Profit 1.9%、譚仔叻啲4.3%，而外賣平台想喺呢個context 下火中取栗，要贏嘅唔係自己、唔係人哋，而係因私有產權擁有失衡（unequal ownership of private property right)延伸嘅現實

立即入手 DSE ECON 步步GO星精讀課程

極盡生活化學習血液裡也有ECON

【DSE ECON MONETARY POLICY】美國推冧股市谷美債為瘋狂印銀紙埋單防止美金跌至零？

Wed, 12 Mar 2025 07:41:44 GMT

1. 尋日睇到一個財經KOL有個咁嘅說法，其實係DSE ECON MONETARY POLICY嘅「動聽版」描述，而美元跌至零亦都係barely impossible ，但呢個說法道出咗幣策一個學生需要知道嘅盲點

2. 美國政府喺經濟唔景氣時印銀紙，可以降準、降貼現率同買債，放咗啲錢出去令息跌，降低融資成本，谷返起投資與消費，然而水係唔可以無止境放，適時要收，否則通脹同貶值會好嚴重，收水其中一個方法就係賣美債

3. 財經KOL嘅說法就係美國政府要推冧股市令全球資金流返去買美債，完成一次全世界幫美國幣策埋單嘅cycle，因為如果冇人買用美金結算嘅美債，美金需求會低落，形成急速貶值漩渦，呢度俾同學學返幣策嘅盲點，雖然擴張性/收縮性幣策來來去去都係郁貼現率/最低儲蓄比率及買賣債，但佢哋嘅結果唔係我哋想像中咁非黑即白，例如：降準，但銀行堅持高額外儲備政策；降貼現率，但市場缺乏借貸需求；買債，但市場上的債券供應不足等，呢啲盲點都係DSE ECON難啲嘅題目會滲一滲去考學生嘅反向認知

4. 最後點解講美金幾近沒可能跌至零，直至今天美金仍是全球央行擁有最多的儲備貨幣，佔6成，而第2、3位已是佔2成嘅歐羅及佔半成的日yen，可說強弱懸殊太強，數返上一次儲備貨幣之首易主是第2次世界大戰後嘅英鎊，美金都用咗數以10年計爬頭，即使現在人們漸對美元霸權生厭，逐步更換資產配置，美金要急速由世界鎂光燈下的貨幣衰落，都不會是一時三刻的事情，簡易說之「大得不能倒」矣

立即入手 DSE ECON 步步GO星精讀課程

財策、幣策 | 只消一堂訊號已收爆格

【DSE ECON ELECTIVE 1】2級價歧定價的「偽術」

Fri, 07 Mar 2025 03:10:01 GMT

大埔新盤買一個大嘅加88萬有多個細嘅？

1. 喺今年重新起埗嘅Elective 1有教，將啲買唔同量嘅人分開收唔同價錢，2級價格歧視也

2. 尋日大埔一個樓盤開價單，買大單位再加88萬俾埋個納米單位你，再搭個溫情故事，父母買咗，仔女就算搬出去都住得返就近，加錢換果個呎價3500咋

3. 2級價歧嘅精神係壟斷者想做量唔使用個好低嘅均一價，而係最少開兩個block，買得少嘅貴啲，買得多嘅平啲，迫埋啲邊緣購買力出嚟之餘，cap多啲消費者盈餘，例如「我」買件衫第1件肯用$100、第2件肯用$70，喺統一價格嘅市場口價要落到$70先賣到兩件，但假如商家原價開$80，再加$150兩件嘅offer，一方面收到只肯買1件嘅人較高價錢；另一方面頭先個「我」，如果得$80個offer，「我」只會買一件，但第2個offer捆綁咗佢睇嘢視覺，而家「我」用$150買到「我」原本肯用$170買嘅頭兩件，擠出邊緣購買力，再留意返商家每件均價都冇落到$70就做到去貨效果

4. 但睇返大埔呢個盤，有趣個位係細單位呎價9100、entitle to 加錢換多間嘅大單位玩到1萬-萬1蚊呎，一般樓盤開價細單位呎價係高過大單位，佢反地心吸力嘅原因，就係為咗鋪排呢個教材級2級價歧，大單位988萬873呎，再加88萬換240呎，假設唔行溫情故事，立即將個細單位放咗佢，均真啲俾盡9k/呎，套216萬，988+88-216，即第一個單位實價860萬，9.8k呎，仲係貴過細單位，完全冇respect 2級價歧買多要平嘅精神

5. 咁玩法發展商唔怕啲人一個大單位都唔要咩？原來大單位得一雙手數得哂嘅貨��買唔到下次劈價再賣，但全港媒體幫您煲，再遇到1-2個慈父慈母幫襯下，就抵佢出bonus啦

立即入手 DSE ECON E1 步步GO星精讀課程

全港唯一最生活化學ECON

【DSE BAFS】PARTNERSHIP終極解鎖｜開合GOODWILL全場景做齊

Wed, 05 Mar 2025 12:03:29 GMT

1. 因為cut 咗realization，大家會怕條partnership會出得難，見到好多學校mock都加返啲「新」元素喺條數度，除咗上次講過只俾新partner帶來尾數你倒計Goodwill總數，仲有retain goodwill on book case

2. 同學一直以來做到滾瓜爛熟都係唔使開goodwill ，喺profit sharing ratio有改變時，只做goodwill adjustment 就禮成，今日會講埋另外2+1種場景：

- goodwill retained on book (forever)

呢個其實只涉一個簡單操作，就係最初開goodwill的時候

Dr. Goodwill

Cr. Capital A

Cr. Capital B

之後有partner增減，profit sharing ratio有變再

Revalue upward

Dr Goodwill

Cr. Capital A

Cr. Capital B

Revalue Downward

Dr. Capital A

Dr. Capital B

Cr. Goodwill

As long as newly admitted partner同goodwill 未有關係，上述增減值都是用old ratio 派糖/扣血

簡單而言，純開著個goodwill係一啲難度都冇，DSE唔多考係有原因嘅

- goodwill originally retain on book, being revalued & closed upon ratio change

呢個要舉例，假設trial balance原本有120,000 goodwill喺度，即book上有goodwill，有新partner入嚟，題目話goodwill revalue到210,000 (前後都equally shared)，但新partner入嚟後唔再retain喺簿

首先係閂原本果120,000，因為題目話唔要

Dr. Capital A 60,000

Dr. Capital B 60,000

Cr .Goodwill 120,000

剩返果90,000加值當goodwill完全不入簿咁做goodwill adjustment

Dr Capital A 30,000

Dr Capital B 30,000

Dr Capital C 30,000

Cr Capital A 45,000

Cr Capital B 45,000

呢個操作最複雜，大家考前有被害妄想症可以留意一下，但其實呢個操作變相係新partner唔使為舊有goodwill埋單，partner A/B自己開善堂優待partnerC，不夠實際所以少考

- goodwill originally not retained on book but decided to open upon new partner admission

唔係阿SIR趕收工，而係呢個操作只係返回最初的起點

Dr. Goodwill

Cr. Capital A

Cr. Capital B

即新仔入嚟，我借故pump大個capital 先，呢個現實啲，但做嘅嘢太少，分野唔到強弱考生，我做咗同你留空可能差1-2分，想考也收返

立即入手 DSE BAFS PARTNERSHIP 步步GO星精讀課程

【DSE ECON】一文說清Relative Price

Tue, 04 Mar 2025 15:38:33 GMT

1. 「相對」嘅嘢一向相對抽象，所以睇返Search Engine關於DSE ECON嘅key word乜嘢字多人search，Relative Price總榜上有名

2. Relative Price嘅定義係Price of Apple in terms of Orange，簡言之唔用錢嚟衡量價值，而用另一隻你想對標嘅產品嚟計價

3. Relative Price呢個章節俾人擺喺demand & supply 一課原因係想大家理解唔係絕對價格改變先會影響需求量/供應量，一件貨嘅絕對價格可以唔變，但當其他物品個價變，佢就變相貴咗，佢需求量都會跌

4. 當然純咁樣擺落考卷陰唔到大家唔係考局作風，所以呢個章節會twist 到向兩件貨（一平一貴）實施固定成本嘅追加，例如機場離境稅$200，搭長短途都會貴咗，但因$200加落你張long haul business只係佔張飛1%，同我張廉航BKK佔成10%，兩種飛銷量都會跌，但平果張因為離境稅相對貴，跌得勁啲，所以長短途比喺加諸定額離境稅後會抽高

5. 呢課啲mc玩到五花百門，但萬變不離其宗，啲嘢貴咗個絕對量一定跌，佢升高拉低嘅只有比率，所以先飛走離開咗比率嘅討論，另一個重點係唔好倒轉，題目會用consistent/ inconsistent with law of demand 咁考你，倒轉咗同考車調轉左右一樣，唔係師傅幫到你的。最後要留意佢個「定額費用」係咪真定額，如果離境稅係收%唔係收$，就已經係另一回事

6. 最後列舉常見relative price例子大家參考下：

- 長短途的士加減起標價

- 煙仔按支、按盒收稅

- 長短途旅行酒店平均質素

- 進出口定額關稅後產品平均質素

立即入手步步GO星精讀課程 DEMAND & SUPPLY

由零開始用最正確方法學習ECON

【DSE ECON】做INTERNATIONAL TRADE計數題成日錯？一文睇清100%答對率的5大細心位

Sun, 02 Mar 2025 03:13:07 GMT

1. 起跑線 - 好多同學一學識點計之後，一落手做題就直除，呢個係好錯嘅起埗點，INTERNATIONAL TRADE好多周邊伏位唔喺條數或個表度，同學務必留意題目指示A、B兩個是否處同一起跑線：

- Absolute Advantage | 如果題目顯示兩國的資源水平不相同，我們是無法判斷那國在邊項產品具有絕對優勢

- Comparative Advantage | 我哋計機會成本時的計算邏輯是一國全副精力只做一件產品，所以表上應是要麼Product A 、要麼Product B，假如題目的設定是一國各allocate 部分資源做齊兩種產品，都要tune返做「要麼」形式計算

2.表內數字是資源還是產出：

- 資源（自己除人哋）即用自己想睇果件產品嘅所需資源除另一件產品嘅所需資源計機會成本

- 產出（人哋除自己）即用同一資源能做出另一產品的產出除自己想睇果件產品產出計機會成本

這裡稍一不慎看錯，便會一子錯，滿盤皆落索

3. 互惠貿易比率的理解

當計算好機會成本，個表會由打橫睇改為打直睇，可以按產品進行國與國間的較競，由至抽出互惠貿易範圍，一般而言兩國的機會成本由左至右列，左邊為出口者成本、右邊為進口者最高肯付價格，只要題目開出的價格在範圍內，兩國便會貿易

4. 關稅與交易成本

如題目牽涉關稅或交易成本，加諸於出口者則「加」在左邊，因出口者要收返額外成本才肯出口；倘加諸於進口者，則於右邊「減」掉額外成本，因進口者不會願者同時負擔額外成本及原來進口價

5. 題目只出現一國數據

這是較難也是近年常見題型，其實邏輯一樣，一切在於比較，同學宜先留意該國於進行貿易後仍在做那件產品，那件產品便有比較優勢。至於計算機會成本，可直接比較貿易前後的產出水平，例如產出A 由100降至0; 產出B 由50升至100，該國於生產B有比較優勢，因著提供的數據是產出，進行「人哋除自己」，該國放棄100A進而生產額外50B，生產1B成本是（100/50）A，成本為1B=2A

同樣想睇返國際貿易比率，看該國的最終消費數據便可，例如產出A由0升至150，由100降至50，貿易比率為1B=（150/50）A，1B=3A，就這樣只有一國數據，也能計多該國在貿易得益

立即入International Trade精讀課程

一切皆有法學懂輕鬆學習

【DSE BAFS 2025 PAPER 1】 2025新制PAPER 1劈到全卷佔得25%就唔溫？

Fri, 28 Feb 2025 03:48:00 GMT

用AI SORT哂 DSE BAFS考卷上曾出現過的 HK's Economy Features

1. 之前提過昔日佔全卷40%嘅PAPER 1喺2025削至25%，仲記得以前有個學生「指教」過阿SIR，PAPER 1打滿佢攞哂40%，PAPER 2 BAL到一題大嘅就「過3爆4」啦�� (PS: 有考試策略嘅學生阿SIR係欣賞嘅，因為至少起碼佢知道自己做緊咩）

2. 雖然牌面上係削分，但嚴格啲講只係將accounting module 同BM module��得清楚啲，原本喺P1嘅accounting 部分唔係唔考而擺返落P2，對accounting同學嚟講其實分別係唔大，所以因為P1 40%變25%而一直還未的起心肝執修P1嘅同學要加把勁

3. 個人認為BAFS P1 MC雖然算陰濕但相較ECON FACTUAL，用AI針對每課重點考核嘅課題掃哂佢考卷出過嘅因素嚟煲，就好似去考車牌咁，學哂駕駛技巧你都要練實際路面狀況，考試好小心翼翼你先會攞到個牌

4. 我用單元1第1課HK’s Business Environment做咗個例子，用Grok 3掃齊12年考卷，勾選返哂曾考核過HK’s economy features嘅因素，共有39個，如我之前喺ECON ADAS嘅case一樣，AI有minor mistake但個準確度都有95%

【DSE BAFS P1 HK's Business Environment】用AI掃那些年曾出現在考卷上的Feature of HK's Economy 逐個透析對與錯！

https://youtu.be/XaSgFl3LmY4

5. 而我今年出齊P1 10個topics嘅精讀課程，駕駛技巧你有、路面狀況由AI幫你做最後把關，生於AI世代，難聽啲講句，想輸都要下點苦功，贏可能容易一點

DSE ECON / BAFS 步步GO星精讀課程

https://www.gutsedu.com/ondemand

【DSE ECON GDP】解說一遍 Expenditure Approach伏位

Wed, 26 Feb 2025 15:35:29 GMT

計GDP方法有3:

Expenditure Approach (支出面）- 講得淺易啲係喺街收單加埋哂啲支出，去計一個經濟體內RPU嘅最終產出，點解咁emphasize 係喺街收單?想你記緊default佢係市價，題目鍾意要學生轉factor cost，就要減稅加津貼還原

Expenditure Approach 裡面已分好哂類，category 就係大家背得好熟嘅C+I+G+X-M，C=Consumption 同G=Government Expenditure 喺考題上變化唔大，稍要格外留神係唔好當錯transfer payment 係G，失業救濟、生果金、綜緩金都只係左手交右手，唔涉生產，不計算入GDP

考得最刁鑽要數I=Investment ，買一手樓、起廠、買一手機器、商戶庫存等全部都係Investment，連帶衍生嘅acquisition cost，包稅包佣都係入I，而I 嘅變化選好多端：

- GROSS INVESTMENT 喺計GDP條或個G就係GROSS INVESTMENT

- GROSS DOMESTIC CAPITAL FORMATION 與 GROSS INVESTMENT 完全EQUIVALENT

- GROSS DOMESTIC FIXED CAPITAL FORMATION 見FIXED要加CHANGE IN INVENTORY

- NET DOMESTIC FIXED CAPITAL FORMATION 見NET要加DEPRECIATION 見FIXED要加CHANGE IN INVENTORY

- NET INVESTMENT 見NET要加DEPRECIATION

X-M (Net Export)要計齊export 加re-export再減import，減import嘅原因係因為前邊C/I/G/X等有機會有進口成份。雖然要包re-export，但考局鍾意同時出齊total export value同re-export俾你，其實前者已包後者，唔使額外再加

立即入手 GDP / GNI 步步GO星精讀課程

一切皆有法學懂輕鬆學習

【DSE ECON】用AI SORT哂歷屆出過嘅影響ADAS因素逐個鱗

Tue, 25 Feb 2025 06:01:23 GMT

新生代就要用新生代溫書方法

KEY TAKEAWAYS

1. 喺射上AI嘅12年考卷上（2012-2023），令AD上升嘅因素分別大幅拋離令AD下跌、影響SRAS及LRAS嘅因素

2. 因素當中集中考核稅務政策及財政政策，不少為同時會對AD/AS同時起影響，例如增加基建、增資勞工再培訓或對持續教育實施額外免稅額等

3. 今次用Elon Musk幾日前發布嘅GROK 3進行分析，AI 對分析出嚟嘅55個考卷上的因素並非全數正確，命中率約96%左右

4. AI 部分解讀係有驚喜嘅，包括以往少見考局會用monetary tightening measures去郁SRAS，但AI覺得調升discount rate會令企業融資成本上升，進而令SRAS左移

>>>立即入手ADAS精讀課程

免費下載 12年嚟考卷出現過的影響ADAS因素

【DSE BAFS】 INCOMPLETE RECORD重塑期末存貨（INVENTORY)大速成

Sun, 23 Feb 2025 03:44:20 GMT

一文解鎖Inventory Valuation 4大場景

1. 之前講過CLOSING INVENTORY係核數佬期結時親身入倉數出嚟，但每間公司營運狀況唔同未必喺正期結果日做到盤點

2. 咁就造就咗INCOMPLETE RECORD裡面學嘅INVENTORY VALUATION，公司可能於期結前或期結後先進行盤點，進而大家要萬千星輝幫佢還原

3. 如果我問你向前跑定倒後跑難啲，相信大部分同學會答我後者，所以考局都會傾向考倒後跑，即期結後才數貨，我哋要向前還原，考到你嘅場景主要有4個：

a) 期結後與盤點期間有sales & purchase

因為係向前還原期內賣貨你要加返佢；買貨你要減返佢，有一點要格外留意，INVENTORY係用cost計值，所有invoiced price / listed price 都要用你學過嘅mark up / margin計返做cost先好還原

b) 期結後與盤點期間有sales & purchase returns

呢度用個易啲思考嘅方法sales & purchase return 都係對沖sales & return，同part a 應該完全倒轉行 is okay；即sales return減；purchase return加

c) Good sent / received on a sales or return basis

跟開我同學都知，呢啲留意個動詞同時間最緊要，如果係send貨俾人寄賣，而人哋未確認購買，啲貨都係要計喺我哋度，send貨個動作無論係喺期結前定後都要加返批貨落closing inventory; 調返轉receive貨幫人寄賣同樣係我哋唔係買，就勾返走批貨唔好做高咗個closing inventory‼️

d) 最後係壞貨構成潛在減值需要

假如啲貨有毛病，基於Prudence Concept不要高估資產價值嘅原則，我哋要逗一逗出事批貨嘅Net Realizable Value (NRV)，NRV係將批貨嘅可售價格再減變現成本，簡單啲講係人哋肯用幾錢同你買，你扣埋賣得出佢嘅成本（例如：個陳列品電視個mon 爆咗，個客話我買都得，要半價同你整返個mon，假設個電視原價$7000，半價即係$3500，整mon用多$1000，咁佢個NRV就係$3500-$1000=$2500）亦都要格外小心條rule係inventory should be counted at cost or at NRV, whichever lower，唔係一定用NRV而係喺cost與NRV之間揀低啲果個，揀好跑道就喺盤貨扣返個差額

立即入手DSE BAFS INCOMPLETE RECORDS精讀課程

任何人都有5**嘅可能

【DSE BAFS INVENTORY】 NORMAL LOSS VS ABNORMAL LOSS的處理方法

Fri, 21 Feb 2025 03:23:51 GMT

場景咁多樣學校剪到王家衛啲片咁教得唔得呀﹖

1. 很多同學喺學INVENTORY嘅時候根基打得唔好，去到後期題目指示有貨多咗、有貨少咗，佢哋嘅選擇好理所當然係直接調返個INVENTORY

2. 而其實大部分涉貨嘅double entries，我哋都唔會郁到落INVENTORY，首先大家要砌返個啱嘅觀念INVENTORY係核數佬喺財年末隻身走入倉親眼親手數出嚟，所以除非題目話你聽核數佬數錯、又或是數貨前後發生咗啲啲事令佢遺漏，否則我哋都唔搞佢個INVENTORY

3. 同學有3個情況會好想郁個INVENTORY，佢哋嘅共性都係一樣，就係有貨不作銷售用途，例如：a. Founder攞貨自用、公司攞貨當free sample咁派、同埋我陣間詳述嘅NORMAL LOSS/ ABNORMAL LOSS

4. NORMAL LOSS係貨物自然損耗，喺會計角度呢個係你做呢門生意嘅銷貨成本，咁多嘢唔賣你走去賣奶，奶易壞，book落COGS扣血Gross Profit，反映喺行業前景度；ABNORMAL LOSS係涉營運缺失造成的貨物損失，係你公司問題管唔好批貨引致，人哋做得好唔會有呢個問題，呢啲book 落operating expense扣血Net Profit

5. 知道哂來龍去脈就砌埋啲場景：

a. Normal loss 核數前發生

核數前發生normal loss，核數佬聞到啲奶臭咗出哂事係唔會數佢入closing inventory，呢個case 乜都唔使做，因為個loss 喺核數佬數少咗批壞奶時，已變相計入COGS，GP扣足血

b. Normal Loss 核數後發生

核數後先發生normal loss，斷估核數佬都冇預知能力估到啲貨會壞，當初係完整錄入closing inventory，你作為最後把關果個就要幫佢扣返inventory

Dr. Cost of Good Sold

Cr. Inventory

*阿SIR喺呢篇文point 2講過，我哋絕少搞粒inventory，呢個係其中一個case* 而Inventory嘅對口就係COGS，沒有其他

c. Abnormal Loss 核數前發生

核數前發生Abnormal loss，核數佬喺數貨時將會數唔到，所以唔需要執粒inventory，但如之前所講，Abnormal Loss係唔應該用COGS埋單，跟返有貨買咗返嚟唔係作銷售用途咁做

Dr. Income Statement - Abnormal Loss

Cr. Purchase

簡單啲講，減purchase係當買少咗貨，而inventory因為燒咗所以冇咗，成件事係喺GP果part當冇發生過，Dr. Abnormal loss 將件事當返一單普通expense咁處理

d. Abnormal Loss 核數後發生

核數後先發生abnormal loss，今次好必然要扣返closing inventory

Dr. COGS

Cr. Inventory

同樣呢壇嘢唔關GP時，減返purchase防止abnormal loss book 咗入COGS

Dr. Abnormal Loss

Cr. Purchase

6. 睇完哂成個normal loss / abnormal loss嘅教學，你會發現有時BAFS學唔好未必關同學事，而係太多狀況但老師用個好平面、單一formula嘅形式咁講，又或者有性格啲剪到王家衛啲片咁嚟鋪，咁就出事啦

立即入手 CONCEPT全城最清 DSE BAFS精選課程

Correction of Error

Incomplete Record

要贏就要掌握贏嘅鑰匙

【DSE ECON MONEY & BANKING】假如美國Fort Knox沒黃金

Thu, 20 Feb 2025 03:17:51 GMT

1. 由避險情緒驅動，黃金價格由2025起埗勁升11%，近日見每安士2900美元

2. 美國啟動減息致持有美元回報遞減、特朗普大揮關稅大捧引致潛在通脹及全球央行減少美元配置均是金價愈升愈有的原因

3. 有趣的是世界首富Elon Musk近日於X表示想audit一下存放於Fort Knox的金庫，美國是目前全球持有最大量黃金儲備的國家，坐擁8,113噸黃金，超越第二大金儲國家德國逾倍，當中有近6成都放在Fort Knox 這個地方

4. 然而，上一次audit已是50年前，美國官方在這50年也抱著 ‘yes it‘s there’ 信念，守護著這安放3萬多億市值黃金的倉庫，最終會否像劇集《紙房子》結局，黃金本來在心中，我們可以先點一客花生

5. 咦！美元不是由黃金儲備支持？吃花生之前了解這一點十分重要。因為黃金量有限而不足支撐不斷擴張的美國經濟，美元於1930年代已脫離金本位，即美元不是由黃金支持，持美元不能兌換黃金，今天每張美金的價值都是全球對美國政府收稅能力、軍事保護資源能力及經濟實力的信任。所以即使黃金儲備歸零，對美國信譽會有所影響，但不會短期內造成美元崩潰

6. 可以想像如果倉內沒黃金：

a. 黃金升勢會更強，畢竟預期流通量會買少見少；

b. 紙黃金市場崩潰，當市場被破三觀改為Seeing is Believing，人們不再相信黃金合約，這些市場會陷入一遍混亂；

c. 更多人傾向轉投加密貨幣，這也許亦是Elon Musk最大盤算，黃金too bulky to be a money，傳統儲存機制存大漏洞，這些都是decentralised, tokenised and strictly limited in quantity的加密貨幣可解決的問題，Elon Musk用黃金倉沒黃金做spot light，去直線加持加密貨幣

d. 長遠會加大全球各國去美元化的決心，即使說沒金儲不構成大型金融動蕩，但會動搖人們對持有美元資產的信心，各國央行會加快囤積黃金，減持美債

7. 點解美國好似一啲都唔驚？用返Elon Musk 最近講嘅一句「真正的經濟是貨物與服務的產出」，QTM裡面說的MV=PY，as long as 實體經濟撐得著，美金可說是長印長有，於AI 及automation撼動傳統的時代背景下，佢哋對未來經濟充滿信心，去美元化就只會淪為口號

立即入手DSE ECON 步步GO星精讀課程

MONEY & BANKING 您同美國一樣「零驚」

Make Your Econ Great Again!

【DSE ECON】Balance of Payment (BOP)速成

Wed, 19 Feb 2025 09:12:13 GMT

還傻傻分不清Change in Reserve 同Change in Reserve Asset?

1. BOP紀錄一個經濟體向內向外資金流動，同GDP有所不同，能紀錄於BOP的項目是不必然由本地RPU當期生產，只要涉經濟體內外資金流，便需錄入BOP

2. BOP分Current Account 及Capital & Financial Expenditure Account，它們的內容分列如下：

CURRENT ACCOUNT

a. Visible Trade

由Export of Good 減Import of Good

b. Invisible Trade

由Export of Service減Import of Service

c. Net Current Transfer

由海外流進資金減向海外流出資金（如：海外匯款）

d. Net Income from aboard (NIFA)

這個正是由GDP換算GNP時要加的那個NIFA

意即income earned overseas by residents - income earned domestically by foreigners (DSE 考試經常見到的本地居民投資海外公司的股息收入，需放這裡加）

CAPITAL & FINANCIAL EXPENDITURE ACCOUNT (這部分DSE不考分項，只供參考）

e. Direct Investment

當期流入作直接投資資金-當期流出作直接投資資金（如：港商於杭州投資AI 基建）

f. Investment on financial derivatives

當期流入投資於金融產品（股票、債券、衍生工具等）的資金 - 當期流出投資於金融產品的資金

g. Investment on Patents & Copyright

當期流入投資於無形資產的資金減當期流出投資於無形資產的資金

**h. Change in Reserve

如遇BOP Surplus，意即流入我們經濟體的資金多於流出，外國人需向港府（由Monetary Authority處理)以外幣或等值東西兌換港幣，變相為港府投資海外資產，視為流出

如遇BOP Deficit，意即流入我們經濟體的資金少於流出，本地居民需以港幣或等值資產向外國政府換取外幣，視作外國政府投資本地資產，視為流入

所以只要題目講明BOP 包含Change in Reserve，BOP便一定balance

3. 所以一般而言，Change in Reserve 同BOP status係呈反比，BOP Surplus 個Change in Reserve就見負；BOP Deficit個Change in Reserve 就正數

4. 呢個時候考局就同您玩Change in Reserve Asset，多咗Asset呢隻字，個畫面就完全唔同，佢並唔係BOP上嘅item，而係真係講緊政府外匯儲備資產嘅多寡，如前所述於BOP Surplus Case，政府用港幣換外國資產返嚟，所以儲備資產係多咗，所以Reserve Asset同BOP Status係呈正比，呢點係考局樂此不疲玩好多年都仲玩緊，而同學仔學極唔識嘅地方…

立即入手80分鐘DSE ECON BOP步步GO星精讀課程

真知．只贈有緣人

【DSE BAFS P1】上市僅3年多再私有化日本仔如何免費套譚仔？

Tue, 18 Feb 2025 04:12:03 GMT

1. 譚仔大股東東多利宣布以$1.58私有化譚仔，僅維持了3年上市地位，即用約5.5億買回當初上市的約1/4股權

2. 睇返2021年譚仔上市招股價$3.3，當時全資股東套現11億多，難聽啲講句，係用譚仔大眾化名聲吸引股民落搭，東多利呢個一賣一買執近6億

3. 而東多利2017喺譚仔創辦人手上買哂2間譚仔之後至上市之間派約3.65億股息，上市後再派6億（東多利佔75%即4.5億），共收8.15億股息

4. 睇埋當初東多利喺譚仔創譚人手上收哂2間譚仔造價21億，如前所述，日本仔已收回14多億

5. 最後譚仔現持有13億hard cash，私有化成功後，點用呢筆錢，全資股東話事，簡單啲講，免費入手咗間譚仔返嚟，賣米線賣烏冬都只係story

6. DSE BAFS P1 第一個單元嘅different forms of business ownership就常問私有化/上市原因，雖然P1只佔25%花嘅時間唔少，今年準備哂10課精讀俾您高效搶分，唔係仲放棄嘛？

立即入手 DSE BAFS PAPER 1 步步GO星精讀課程

睇完即溫完袋穩25%

【不斷更新】DSE ECON 2025 攻略/貼士/劇透合集

Mon, 17 Feb 2025 12:00:32 GMT

1. 近幾年都不斷提同學留意考前6-9個月時事，好似2023條「試當真」反向bidding賣飛咁，考局係好貼市去考當代Econ人才

2. 2025甫開始，特朗普以皇者歸來姿態重新上場，上任幾日已挾關稅意令全世界，要遵守其MAGA（make america great again)新秩序，同學學哂international trade + bop + exchange rate 同ADAS都知關稅好考，課次橫跨程度高，但DSE ECON 2025考局應該考唔切「特」式政策 >>>當然阿SIR仍有為您預備『特朗普重掌政權後 6大世界經濟格局影響』

3. 咁講唔係代表關稅唔考，而係考落過去一年歐美磨刀霍霍群起發動嘅電動車關稅戰上。傳統上中國絕對稱不上是汽車強國，由以前啲高官坐嘅紅旗牌，到90年代改革開放出現好多「本田廣汽」、「東風奔馳」type嘅內外資JV，到2020年國產電動車暴力掘起，於短短3-4年間，全國200多間電動車廠分佔全球電動車產量60%，而電動車銷售佔全球汽車銷售已攀至20%高峰，傳統汽車強國一夜驚醒中國電動車唔係講玩嘅，關稅只係buy time讓傳統車廠急起直追嘅方法

4. 另外一條非本地線會係人行組合拳，內地經濟不佳，再加上中央近年嚴格要求內房企業遵守3條紅線，令原本高槓桿嘅內房企業雪上加霜，內地房地產爛尾樓數量達紀綠高位，人行逐推出一系列組合拳（實為貨幣政策）救市，以釋出流動性及鼓勵借貸等措施刺激需求，消息一出本地股市曾狂升5000多點，呢種課題用幾幅經濟變量圖考核學生用貨幣政策嘅前因後果，再比較埋點解唔用財政政策，十分㩒考！

5. 本地線今年唔算有好massive嘅經濟政策，反而爭拗不斷嘅的士大戰網約車，喺的士牌跌到all time low 2百幾萬、自駕的士風雨欲來、uber都可能被robotaxi繞過嘅時代，本地的士市場爭議可能係考核同學微觀經濟試金石，由自駕的點影響的士司機嘅occupational mobility、到fixed fare & fixed supply下嘅的士市場供求失衡、到更深層次限量牌照制度致牌費高企誘發的貧富不均等，都足以成為一條具標誌性嘅DRQ

6. 港樓連跌2-3年由高峰期瀉近3成，期內考局都冇乜用呢個backdrop去考大家箇中供求、持有/租住樓房嘅機會成本（MC有）、「撤辣放甜」所涉嘅財政/貨幣政策、本地樓市疲軟對GDP造成影響等，考局會否趁美國減息週期剛啟、政府完全撤辣後一週年之際考一考驗學生對港人向來重中之重議題嘅睇法呢？香港樓房政策絕對有條件成為DRQ黑馬

7. 過去一年兩件國際經濟大事美國減息及日本結束負利率，前者因為疫情期間放水太急致令通脹不能控，瘋狂加息11次後通脹稍見喘息思量逆轉，後者則因通脹穩見2%、企業加薪幅度高而結束實施近8年嘅負利率政策，全世界兩大發達經濟體系作完全相反嘅貨幣政策操作，首天已引發日元拆倉、美股急瀉極具看點嘅經濟反應，雖然及後日本官員不敢再冒進加息及特朗普上場後儲局對減息步伐有新schedule，令兩件事同時放慢，但兩者均在DSE ECON MONETARY POLICY/ EXCHANGE RATE考程範圍，放得落考卷稱得上係「世界波」，唯略嫌過去幾年美國加息都出過相當篇幅，而考局唔似鍾意考日本經濟（由安倍3箭到日YEN狂瀉都未見過影蹤），兩件年度大事故只能rated as黑馬！

8. 特朗普於去年11月當選總統後， BITCOIN拾級而上衝破10萬美元，原因市場確信新政府施政會推動加密貨幣發展，特朗普亦聘用親加密貨幣官員作証監主席及白宮智囊，同時放話把BITCOIN納入國儲，一連串舉動都改變咗加密貨幣作為貨幣嘅客觀條件，2024年考局嘈過關於barter economy果條LQ考生鋪陳前因後果嘅能力令人失望，2025用BITCOIN再deep dive 一次money features & characteristics OR to what extent bitcoin solving problems in a barter economy，你有足夠時間做好準備！

立即入手 DSE ECON步步GO星精讀課程 、

DSE ECON 5**ALL IN試題套餐

做有效用嘅準備！

【DSE ECON】 DIMINISHING MARGINAL RETURN 速成

Fri, 14 Feb 2025 02:52:30 GMT

好多DSE ECON計數題其實路只有一條關鍵是還原

1. DIMINISHING MARGINAL RETURN講嘅唔係啲咩大道理，係你喺一件fixed factor上邊係咁加variable factors，個marginal product最終係會下降

2. 就好似一間uniqlo，你係咁擺sales落去，最後sales多過客，後邊入嚟嘅Sales冇產出之餘仲阻著咗原來班sales做嘢，個邊際產出就愈走愈低

3. 咁佢難喺邊呢？同學仔多數都係衰喺計數，但其實成條LAW得兩個變數，一係variable factors、二係MP，就好似之前阿SIR講profit maximizing point一樣(Average>Total>Marginal) ，考局最盡係俾AP，您換返做TP再換MP

4. 再難啲就係要同學「開倒車」，成條law係講緊擺variable factors，佢考您抽走啲variable factors, 其實唔難：

病房護士數目

-1

-2

-3

-4

-5

能病房能Serve的病人數

-1

-3

-5

-7

-9

代病房原有護士數=10

病房現在護士數

代病房原有serve病人數=20

一代完就完美變返由第5個護士返工往後每加一個護士的TP，又行得返AP>TP>MP嘅路徑

立即入手 3小時Firms & Production 精讀課程

不走冤枉路慳返啲時間溫第二科

【DSE BAFS】 LIMITED COMPANY派息速成

Thu, 13 Feb 2025 17:06:22 GMT

場景千變萬化點解Limited Company咁難BAL﹖

1. 同sole proprietorship及partnership唔同，limited company分profit唔會分哂，反而係由個board決定每股派幾錢。

2. 入帳規矩係當年declare嘅dividend，無論派咗未，一律入當年appropriation，扣血net profit。雖然規矩就得一條，但考局可考嘅場景就可謂變化多端:

a 本財年前declare，今年派

b 本財年前declare，今年未派

c 本財年declare，今年派

d 本財年declare，今年未派

e 聲稱未來會declare

3. 如前所述，派息入帳關鍵點在於declare，上列場景只有c、d需於期末從retained profit 分發ordinary share dividend 俾股東

4. 而所有場景都未必係題目上的additional info俾您，而要同學喺trial balance中自己decode出嚟：

X. Trial balance上有dividend payable，可以係本財年前已declare，今年仍未派（此場景的trial balance沒有任何ordinary share dividend的debit balance)；

Y. Trial balance上有dividend payable，可以係本財年declare，今年未派，須入appropriation(此場景的trial balance上會有另一個dr balance為ordinary share dividend)

Z. Trial balance僅有dr balance 的ordinary share dividend，代表今年declare，已從銀行派發

5. 到最後係preference share dividend，因為點都要派嘅關係，睇返preference share 前面個%（年息率），用當時preference share 價值乘返年息率，錄入appropriation，留意題目指示，未找數都係要做返payable

立即入手 LIMITED COMPANY 步步GO星精讀課程

比人學得快、學得精、學得更有效能

【DSE BAFS COSTING】甚麼是POAR﹖Over/Under Absorption又係乜東東﹖

Tue, 11 Feb 2025 03:46:54 GMT

3步框架輕鬆做出OVER / UNDER ABSORPTION

1. 我哋喺學校學BAFS，因為您唔係親身involve喺個會計過程，咁就會裸眼睇3D阿凡達咁，散哂光、睇唔清。

2. 去到Absorption Costing，個Fixed Manufacturing Overhead (FMOH)要book埋落啲inventory度，而喺您做緊件貨果陣Direct Labor同Direct Material 係即知嘅，反觀個Manufacturing Process未完，個FMOH未完全反映，就只能估出嚟，POAR就係估出嚟嘅FMOH計算邏輯。

3. POAR條式係Budgeted FMOH 除返Budgeted Cost Center用量，即係做果件貨果時佢已經估咗成盤製造過程嘅FMOH，再assign落一個最影響FMOH嘅變量度。嚟到呢度同學仔通常都O嘴﹕「可摸以嚟多次﹖」舉個例子，我哋約10個同學仔今晚唱K，唔係個個同學有咁多零用錢，所以您約人都要預個數俾佢哋決定嚟唔嚟，咁您會話﹕「10條友預2千蚊啦！」嗱，呢$2000就係Budgeted FMOH，而個cost center係人頭。POAR喺呢個case係$2000/10，每人$200。

4. 咁點解要除個POAR出嚟﹖就係方便您假如出席人數有變，你用返POAR即$200乘返實際出席人數先book係本薄度，假如果最後12條友嚟，個actual FMOH absorbed就係$200*12=$2400

5. 到最後唱完K，點知個個fd都係肥嘟嘟食好多嘢嘅，埋單$3000，咁就嗱嗱臨將個under-absorption $3000-$2400 = $600 加返落個COGS度

6. 所以成個由POAR計到Over/Under Absorption嘅步驟如下﹕

- 用Budget FMOH 除Budget Cost Center Usage 計POAR

- 按題目指示的實際Cost Center Usage乘 POAR 計出actual FMOH absorbed

- 比較題目指示的actual FMOH incurred 與step 2的 actual FMOH absorbed

- Absorbed 少過incurred 係under; Incurred 少個absorbed係over

立即入手下列【COSTING相關】步步GO星精讀課程

ABSORPTION COSTING VS MARGINAL COSTING

CVP & COST DECISION MAKING

足以改變戰局的關鍵3小時！

【DSE ECON】盤點Opportunity Cost變化 5大場景

Mon, 10 Feb 2025 13:31:16 GMT

1. Opportunity cost 係DSE ECON必考場口，亦可以算係同學學習ECON之後，第一個預到成日錯嘅難題，考局亦「不負眾望」，近年將opportunity cost考得愈嚟愈有層次，好似2024年似是而非地拉到其中一個option好似cost of owning 而唔係題目問您嘅cost of using博您唔揀，奸過變色龍！

2. 學好cost of owning 同using固然重要，另外我由day 1開始講，學Econ一定要做好場景管理，一早備習好人哋出腳您點避、人哋出拳您點擋，先可以係短短1小時MC卷裡面抬起頭羸！下面就同大家盤點 5大考驗Opportunity cost 有冇生變嘅場景﹕

- Chosen option 價值變 > Opportunity cost 不變

- Chosen option 成本變 > Opportunity cost變

- Highest valued option forgone價值變> Opportunity cost變

- Highest valued option forgone成本變> Opportunity cost變

- Other option價值升並超越原來的Highest valued option forgone > Highest valued option forgone 易主> Opportunity cost升

3. 考局知大家死背highest valued option forgone，所以近年趨向考學生Cost & Benefit嘅Analysis，即係類似DSE BAFS costing咁，喺decision making process裡面，乜嘢係relevant factors，換句話說，係好透徹地考哂您全部choice，亦刻意將「cost of owning唔計」呢個根深蒂固刺青喺同學腦袋嘅statement用個會影響cost of using 嘅cost of owning戳破，90歲唔死ECON都有新考法…

立即入手步步GO星BASIC CONCEPT精讀課程

由第一課開始領跑到最後！

【DSE ECON】 Profit Maximization 速成

Sat, 08 Feb 2025 05:32:03 GMT

1. 阿SIR轉眼教咗十幾年ECON��教班收返同學MC卷時好多時唔係睇答案紙，而係睇返同學jot咗咩footnote喺題目紙度

2. 喺做到好多有個表要您計數嘅場景，有時一眼望望落就會原份打回頭俾學生重做，學生呢個時候會覺得（心裡）「阿SIR您一話就唔鍾意我要留難我」、「一話就冇心機睇，好似歌手唔記得歌詞遞個mic俾觀眾唱埋佢咁」

3. 其實好多時呢啲狀況都係學生喺做表嘅題目旁一啲嘢都冇寫，又或者第一個step已捉錯用神錯起埗點

4. 好似profit maximization咁，呢課學嘅式其實不過3-4條，講書都好快講完，但同學總是完成不了

5. 呢課關鍵係搵MC = MR 果點，而考局一定唔會益您即俾MC / MR，同學要做好心理建設要喺最迂迴路徑搵返佢哋出嚟，

- AR > TR > MR

- AC > TC > MC

講到呢度，大家終於明，點解阿SIR第一眼係睇題目紙，點解題目紙白��就打回頭，畢竟教咗咁多年，能心算出MC / MR再得出埋個profit maximization point嘅小神童是沒有的��

6. 搵到profit maximization point之後其實未禮成，題目會要你搵埋profit出嚟，同樣係得一條式，就係TR-TC，問題係題目擺低乜嘢information

- TR 多數要P*Q計返出嚟

- TC包TFC+TVC，而好多同學唔知將啲MC加哂佢就係TVC

跟我喺FIRMS & PRODUCTION 精讀課程學齊啲秘技佢 ��都係果句，計得到答案出嚟嘅題目戰無不勝��

【DSE ECON】Elasticity速成

Fri, 07 Feb 2025 09:27:58 GMT

唔使式都計到價格彈性(Price Elasticity)?

1. 需求/供應彈性其實原理好簡單，條式係「量的變化」除「價的變化」，要睇嘅係價格變化後，對量構成影響的多與少。

2. 其實條式大家係中三學數學果陣學過，新減舊除舊，分子擺Qd2-Qd1、分母放P2-P1，心水清同學會問咁個「除舊」呢﹖經濟佬好均真佢哋鍾意除Mid-point，所以另一邊乘返分子(P1+P2)/2、分母(Qd1+Qd2)/2，條式最後計到<1 =0 =1 >1 及=無限不等，代表唔同程度彈性。

3. 講埋呢句您可能會噓我，就係DSE ECON嘅Elasticity題目，好少真係攞條式去計。

4. 我嘅做法係睇Price 同Total Revenue嘅方向

- P升%=TR升%> Perfectly Inelastic

- P升TR升 > Inelastic Demand

- P升TR不變 > Unitary Demand

- P升TR跌 > Elastic Demand

- P升TR跌至零 > Perfectly Elastic Demand

5. 識齊上面大概做到DSE Econ Elasticity 一半左右題目，睇呢個學齊全副Elasticity武功就肯定百發百中喇！

立即入手DEMAND & SUPPLY 1 精讀課程

從此 ELASTICITY類題目 120%答對！

【DSE ECON QTM】Elon Musk﹕貨品與服務才是真正的經濟

Thu, 06 Feb 2025 04:18:06 GMT

貨幣本身是商品﹖用首富思維學Money Demand及QTM

“People sometimes think an economy is money… But money is the database for the exchange of goods & services. Money is not a power in and of itself… The actual economy is goods and services.”

1. 最近世界首富Elon Musk喺一個電視訪談講到貨幣只係交易嘅工具，錢印多咗個經濟唔會好咗，而經濟嘅關鍵係產出。

2. 呢個其實就係DSE ECON裡面阿媽係女人概念嘅 Quantity Theorem of Money (QTM) ，QTM條公式係MV=PY，簡單而言是指流出市面嘅貨幣(Money Supply)再乘埋佢嘅流速(Velocity)，係會等於名義生產總值(Price Level * Real Output)。

3. 而Elon Musk句actual economy is goods & services嘅潛台詞係，沒有貨品與服務，貨幣甚麼都不是，呢點其實只係致敬返古典經濟學派，佢哋assume economy喺long run，所以Real Output(Y) constant，增加貨幣供應，只會空推升Price Level。

4. 當然惹火首富講返DSE ECON理論，就梗有opposing thoughts。有評論認為，如果考量埋Money避險嘅角色，「點解人類選擇揸Cash﹖」呢條問題已經俾到答案，點解Money係economic good rather than Elon Musk所講嘅abstract representation of real things。

5. 用點解答點解無疑係答問題最高境界，呢度嘅key notes其實涉另一課DSE ECON嘅 asset demand of money (資產性貨幣需求) ，就係因為揸其他帶息資產有risk，人類先拎著錢，從呢個角度，錢係提供咗避險服務嘅commodity。

6. 呢種學術思辨未必有model answer，但係有好多具建設性嘅decoding，其實Musk仔係講緊，唔好在意短期經濟週期波動，政體要做嘅係推動個 potential output (Y bar) 係咁上。

立即入手下列步步GO星精讀課程

Macroeconomic Problems & Policies >>>學QTM

Money & Banking >>> 學asset demand for money

National Income & Determination of Price Level >>>

學Potential Output

【DSE ECON DEPOSIT CREATION】存款創造4大場景不出4步秒計答案

Wed, 05 Feb 2025 09:52:12 GMT

睇完攻略往後Deposit Creation題目再沒錯誤的空間>>>

DSE ECON 2024考評局報告其中一題被評議的MC有deposit creation份，果題最終得40%啱，其實過往好多唔同場合都教過deposit creation計法，但相信學生都係走唔出「銀行借錢出去唔係借真錢」嘅心魔，總覺得銀行借埋啲excess reserve 走係要扣reserve，今日嘗試用文字教多次

擺錢/攞錢 > 銀行借盡

4步走

- 按題目excess reserve / reserve shortage / fully loaned up 的指示，計算Required Reserve Ratio (法定儲備比率) 及Maximum Banking Multiplier (最大銀行乘數)

- 按題目公眾擺錢/攞錢指示，直接調節reserve

- 利用新的reserve直乘Maximum Banking Multiplier，得出新的demand deposit

- 用新的Demand Deposit 減新的reserve得出新的Loan

銀行借出全部excess reserve

3步走

- 按題目excess reserve / reserve shortage / fully loaned up 的指示，計算Required Reserve Ratio (法定儲備比率) 及Maximum Banking Multiplier (最大銀行乘數)

- 用Banking System有的reserve 直乘Maximum Banking Multiplier，得出Demand deposit

- 用新的demand deposit減Reserve，得出新的Loan

銀行借出部分excess reserve (參考DSE ECON 2024 MCQ34)

4步走

- 按題目excess reserve / reserve shortage / fully loaned up 的指示，計算Required Reserve Ratio (法定儲備比率) 及Maximum Banking Multiplier (最大銀行乘數)

- 留意題目指示Loan或Demand deposit的變化 (題目只會提供其中一項)

- 整個存款創造過程是銀行透過增加Loan創造demand deposit，故Loan的增幅將與Demand Deposit 一致

- 用新的Demand deposit 除Maximum Banking Multiplier，得出required reserve，與actual reserve比較，得出新的excess reserve

擺錢/攞錢 > 睇immediate effect

3步走

- 按題目excess reserve / reserve shortage / fully loaned up 的指示，計算Required Reserve Ratio (法定儲備比率) 及Maximum Banking Multiplier (最大銀行乘數)

- 按題目攞錢/擺錢指示，同步調節reserve 及demand deposit

- 用新的Demand deposit 除Maximum Banking Multiplier，得出required reserve，與actual reserve比較，得出新的excess reserve / reserve shortage

立即入手Money & Banking

2小時40分鐘精讀課程

撥開迷霧熟讀考試可能會出現的場景

有數計的題目戰無不勝！

【DSE ECON / BAFS 2025】香港不能獨善其身的貿戰2.0

Wed, 05 Feb 2025 06:33:41 GMT

Tariff War、Embargo 對香港經濟做成甚麼影響﹖

1. 蛇年伊始，特朗普已急不及待送來厚禮，先後對中港進口貨物加徵10%關稅及停止接收中港進口包裹

2. 根據2023年貿發局數據，貨物出口美國佔香港總出口6.6%，排行第4。反而要數到港美貿易最緊密關係其實是服務輸出，美國係香港服務輸出的最大目的地，佔總輸出約5份1，貨物關稅對香港影響仍微

3. 至於禁來自香港進口包裹則影響較深遠，原因疫後港滬空運歐美貨物超過一半是內地電商平台的小件，美國禁收包裹就是抑制SHEIN/TIKTOK電商在地的蓬勃發展，勢對長途客量未完全pick up、貨量先被政治綁架的航空公司帶來重創

4. BAFS同學緊記Paper 1第一大課便是HK’s Business Environment，本地貿易夥伴係常考一環，同學宜熟讀本地經濟命脈，應付日益刁鑽的MC

5. ECON同學宜留意關稅類題目，除熟讀關稅圖表外，關稅引致AD/SRAS的負面影響、關稅令息率高企港匯走高人幣走低的經濟影響，要有概念

立即入手以下精讀課程

BE THE 1st TO SURVIVE THE TRADE WAR

DSE BAFS Paper 1

Hong Kong's Business Environment

DSE ECON

International Trade

BOP, Exchange Rate System & Linked Exchange System

【DSE ECON 】Marginal Benefit(MB)係咪等於Marginal Revenue(MR)的迷思

Tue, 04 Feb 2025 10:33:59 GMT

1. 好多同學仔學圖都只係學個樣，到考試時「臨摹」返一個差唔多嘅出嚟，死背啲位逐個indicate，未有真正學懂圖上面嘅點線面

2. 問MB係咪干定等於MR，其實係耐冇考Elective 1嘅後遺症，如果同學熟知Monopoly Market 同Perfectly Competitive Market嘅分別，佢哋應該唔會有呢個問題

3. 簡單而言，MB係consumer享受而MR係supplier收嘅，喺perfectly competitive market，suppliers 係price takers，佢哋無論賣多賣少個MR都係一樣，就係MB=MC果點，所以MB完全等於MR﹔但喺monopoly market，supplier係price searcher，佢哋要對所有consumers統一降價先可以賣多一隻，如此一來Monopolist個MR係會跑得慢個MB，所以MB同MR嘅關係取決嘅係身處邊一款market structure

想根源了解呢個Concept要入手下列精讀課程

Firms & Production (學Profit Maximization Point)

Demand & Supply 2 (學MB VS MC)

Externality, Efficiency & Equity (學economic efficiency)

Elective 1 (學Simple Monopoly Price)

【DSE ECON 2025】點解Elective 2會係更理想選擇

Tue, 04 Feb 2025 09:54:05 GMT

5年之後再考返 Elective 1重字 Elective 2重圖您會點樣揀﹖

1. 事隔5年，2025起DSE ECON終於考返elective，想講其實elective 2教用圖睇trade，係鞏固international trade一課認知嘅一大里程

2. 無講係直線定曲線PPF，喺圖上面只要拼埋兩個經濟體，一眼就睇到comparative / absolute advantage，成個世界點解因trade 而變得美好，都係highly visible

Linear PPF - 直線PPF是指每件邊際成本在不同的產量都是一樣，呢啲情況下基本上將兩個國家PPF拼埋，平啲果條就係代表佢做你圖中正下方果種物品有比較優勢，如果每個國家只做集中資源做具比較優勢嘅物品，再透過貿易交換產出，產出會達最大化，所以將兩國只做具比較優勢產品的兩端連起來，就會得到條TOT

Concave to the origin PPF - 曲線PPF係指隨著某物品產量增加，每件邊際成本亦隨之增加，只要在曲線PPF上按題目提供的TOT畫一條tangent嘅線，再比對該國現時生產水平，倘在tangent前則該國做PPF下方的物品具比較優勢，相反在tangent後則為貿易夥伴做該物品較具競爭優勢

3. 揀elective有幾大準則，1係課嘢易唔易明、2係課嘢易唔易溫、3係課嘢喺臨場緊急狀況時易唔易handle、最後係課嘢同你之前學嘅有冇協同，綜合呢4樣，我會建議您揀Elective 2

立即入手Elective 2 Extension of Trade Theory

精讀課程，在眾人皆醉您獨醒的「很久不見」迷霧中奮勇向前！

【DSE ECON Market Structure】Circle K母企欲收購7-11 港便利店市場一夜變壟斷﹖

Tue, 04 Feb 2025 07:07:24 GMT

Oligopoly變Monopoly Circle K在港從此棋逢無敵手﹖

1. 學ECON 比BAFS好玩，因為就算100歲唔死，每日都有層出不窮嘅活學例子

2. 市場消息傳出連鎖便利店Circle K 加拿大母企ACT有意收購7-11日本母企Seven & i ，假如OK、7仔一家親成事，香港便利店市場更面向壟斷格局

3. 由oligopoly轉化為monopoly，進一步減少競爭，當然更享economies of scale，本來在oligopoly highly interdependent to competitors嘅制肘都揈甩埋，對消費者而言未必是好事

4. 但當然我哋喺market structure一課所學，monopoly 都唔係冇競爭的，近年便利店市場都被外送平台於「便捷」的範疇追趕緊

5. 君不見7-11不時也做77折，價格也比往日收儉。儲印花換公仔等non price competition 在壟斷以後，還是要做的

6. 抆走一個敵人，只為打更大敵人

Market Structure一課貌似死記爛背便有回響

但從來個樣愈容易嘅嘢愈易失分

考局最鍾意用唔同structure做比較

立即入手呢50分鐘嘅Lecture，教您防範於未然，信心值打滿

【DSE ECON】總是學不會甚麼計進GDP、甚麼計進GNI﹖

Tue, 04 Feb 2025 06:39:42 GMT

GDP、GNI凈係玩定義都企咗喺度﹖

GDP係計常駐經濟單位Resident Producing Unit (RPU) 於本經濟體內最終產出的市值；而GNI則為本經濟體居民Residents不論地域於從事經濟活動的收入

RPU定義

Organizations -只要佢喺經濟體內maintain center of economic interest，即有operations (如headquarter/branch)

Individuals - 只要佢Stay / Intend to stay喺個economy for at least 12 months (外傭合約一般為2年，所以佢哋嘅產出通常係counted at GDP, 而GNI亦唔需要扣走)

考局鍾意喺啲重疊位/陰影位著墨，考你一些場景計唔計入GDP/ GNI，又或者再煩啲該場景需否納入GDP/ GNI的計算當中，即使同學對定義幾熟，均有機會因題目一些些微的字眼變動被考起

做好場景管理，會係備習的最佳方法，我們把可預視場景(全假設於香港發生），列舉如下：

1. 本地RPU聘用本地resident

(GDP計；GNI 計）

2. 本地RPU聘用外地resident

(GDP計；GNI 不計）

3. 外地RPU聘用本地resident

(GDP不計；GNI 計）

4. 外地RPU聘用外地resident

(GDP不計；GNI 不計）

立即入手Measurement of Economic Performance精讀課程

GDP類奇難雜症，用2個半鐘學到不錯任何一題MC

【DSE ECON Elective 1】啟德地皇蝕讓用實例學齊Price Discrimination

Tue, 04 Feb 2025 04:21:33 GMT

從售樓書學盡Cap Consumer Surplus之法

1. 2024年第4季，新地開售啟德站旁樓盤天壐天，這塊香港史上最貴住宅地每呎地價逾$17,700，但首輪價單僅mark up約$2,000至$19,600，減除建築成本、行政費用、協助政府構建社區設施條款等成本，可謂蝕到入肉

2. 但當然首輪價單開價僅為少數單位，且發展商把質素高單位招標，透過多種我們於DSE ECON Elective 1學到的價格歧視盡吸消費者盈餘的方法，回本還是有可能的

3. 悉逢DSE ECON 2025事隔5年考返Elective 1，呢條片一口氣用實例重溫3種Price Discrimination嘅實際操作，原來ECON一直在您身邊

First Degree Price Discrimination - 招標由客戶開價、價啱成交 - 食盡每個客嘅所有CS

Second Degree Price Discrimination -向量購客戶提供額外回贈 - 透過分割大手客與散買客收取不同價格多吸CS

Third Degree Price Discrimination - 把客群分作本地客/內地客/投資客等 -透過分割不同需求彈性客戶收取不同價格多吸CS

4. 之前喺threads提過啟德剛是跑道區已有8,000個單位如貫應市，以每年一手樓成交量10,000宗計，除非新樓買家萬千星輝賀啟德，否則腥風血雨劈價會持續，而今次地點係站蓋，只是好一點而已

立即入手DSE ECON ELECTIVE 1

3小時精讀課程

一堂學哂Monopoly Pricing、Price Discrimination、Anti-Competitive Behaviors & Regulations

【DSE ECON】關於Total Social Surplus的錯誤迷思

Tue, 04 Feb 2025 02:47:03 GMT

Total social surplus細咗唔一定係Inefficient

1. 一開學啲中五同學仔開始學返Total Social Surplus，留意到唔少人都係見三角形就盲篤做Deadweight Loss，基礎十分薄弱

2. 亦有同學仔覺得Total Social Surplus細咗就會造成deadweight loss，邏輯上呢句嘢係唔啱嘅，正確應該係Total Social Surplus喺constraints下冇最大化，有啲量個Marginal Benefit仍高於Marginal Cost但冇做先構成Deadweight Loss

3. 考局睇準學生嘅誤解，喺2023 Section B出過一條幾試探性嘅(Q5, 可refer to 下方條片嘅解說)，大意係問Marginal Cost因材料成本上升，個Total Social Surplus前後細咗，係咪就有deadweight loss，賽後報告係話表現令人失望嘅

4. 呢條當年考Deadweight Loss果part只有2分，未必好alert到同學要對Total Social Surplus有更深入嘅了解，但個implication係考局knows all you well，一定要小心翻炒

啲Surplus類型嘅題目總是學不會、搞不定﹖

強烈建議煲返Demand & Supply 2 精讀課程

裡面教齊點樣喺表計返Total Social Surplus

有稅/有津貼/正常狀況，輕鬆1 take計到！

【DSE ECON INTEREST RATE】孳息率倒掛預視經濟衰退為何萬試萬靈？

Mon, 03 Feb 2025 09:43:54 GMT

1. 成日喺財經新聞聽嘅孳息率倒掛其實用返DSE ECON條Nominal Interest Rate式去睇，都大概會令大家有個概念��點解長債息低過短債息就係經濟衰退先兆

2. 首先市場講嘅孳息率倒掛係比較緊美國2年期（短）與10年期（長）國債息，倒掛是指前者息率高於後者

3. 名義利率其實就係借貸嘅定價，佢包含lender想收嘅利潤��expected real interest rate再加lender預期成本��expected inflation rate

4. 一般情況下，長債風險相對高，lender會expect 賺到嘅都會較多，亦因時間長，通脹預期都會較高，所以剛才所述嘅名義利率兩大components，喺長年期債較高係自然不過嘅事

5. 乜嘢事會導致超自然嘅情況發生呢？第一，人們對經濟前景不樂觀紛紛「保本」買長債，即使回報低也在所不辭，第二是他們預視經濟在未來數年有通縮出現，也會拉低長債息，所以換句話說息率倒掛就係市場對經濟前景感到悲觀出現嘅現象

立即入手Macroeconomic Problems & Policies精讀課程

極高效率學齊Interest 4式

Nominal Interest Rate = Expected Real Interest Rate + Expected Inflation Rate
Actual Real Rate of Return = Nominal Interest Rate - Actual Inflation Rate
Return of Holding Money > Nominal = 0% > Real = -Inflation Rate
Opportunity Cost of Holding Money > Nominal Interest Rate

【DSE ECON Macroeconomic Problem & Policy】最多人忽略的一個小單元

Mon, 03 Feb 2025 09:12:22 GMT

Tax System in Hong Kong > 香港最常見12種稅項

1. 喺學到Macroeconomic Problems & Policies呢課，其實好多細位要注意，同學仔會放咗個focus喺Fiscal Policy同Monetary Policy，覺得我識前者係調節G/T，後者係調節MS，理解到個圖點畫就當學完

2. 其實Fiscal Policy裡面個T，考局係用好多唔同應用場景去考，例如﹕政府將實施Surplus/Deficit Budget、政府將加重Salary Tax個progressivity、政府將減低Salary Tax Tax Allowance 等等... 除了直考ASAD，這些場景可關聯到Micro的Equity，可以咁講俾您做考官都會咁考

3. 而本地稅制都係考核範圍，但有機會同學學到呢啲位，一來已經溫咗好多嘢入腦，二來近考試，啲零碎嘢放一邊當睇唔到，所以今日特別準備咗香港稅制懶人包，理清香港12種考試常出現嘅direct tax或indirect tax，如果同學唔想哂時間自己做research，入去睇一次就入腦了

4. 事實上稅制喺2024/2025課稅年都會迎來改變，包括減低個人免稅額、標準稅率2級制等，呢啲會帶來咩impact，就留返喺精讀課程裡談論

立即入手Macroeconmic Problems & Policies精讀課程

2小時15分鐘成財策專家

【DSE BAFS】 Incomplete Record 裡的 Inventory Valuation

Mon, 03 Feb 2025 07:36:08 GMT

1. 同學成日搞唔掂喺Incomplete Record裡面嘅inventory，原因好多時係冇從實際角度出發，純紙上談兵，滿腦子都剩係記著「人造」流程

2. 有限公司每年要進行盤點，搵核數師睇返有幾多存貨，先寫得落closing inventory，但因為營運因素，呢個stock taking 動作未必好準時喺財年最後一日

3. 變相有機提早、有機延後，如遇此情況，我哋要做嘅就係還原返財年尾日個庫存出嚟

4. DSE BAFS 較多出延後，再考3-4個狀況，例如：喺延後該段期間買賣貨、有sales or return寄賣或寄售case、有貨爛咗唔值咁多錢、或期內出現normal / abnormal loss不等，同學要對所處時點保持敏銳、理清Bookkeeper已做了甚麼及會計準則要求做甚麼，方能做得好Inventory Valuation

立即入手1.5小時Incomplete Record精讀課程

原來讀書真係有FAST PASS！

【DSE選科攻略】邊科最易攞5或以上﹖

Mon, 03 Feb 2025 04:16:11 GMT

1. 呢度按每科攞5或以上(5+)學生佔比由低至高排，相對易多人5+嘅係兩科MATH 延伸，有超過/接近3成人攞5+

2. 無獨有偶，另外3科理科3寶PHY CHEM BIO都名列前茅，約20-25%，即入得去考4個有1個攞到5+

3. NON-SCI 科目要掃到econ 同bafs 約15-17.5%攞5+，即6-7個先有1個（喂music / eng lit喺前你唔講，大佬呀focus喺主流會揀果啲）

4. 結論嚟喇，基本上要屈分入神科，讀理係有著數，數學個客觀嘅有絕對答案，達者為先；相反文科客觀啲（你睇踢波VAR唔同人睇都吹唔同結果，係解決唔到）

5. 但都要講返句公道說話，讀數果堆係好鍾意數先會揀果2科electives（因音樂、Eng lit同緣），佢哋成班人都特別叻喺數先會咁多人攞5+

6. 真係last but not least，揀科終究都要睇興趣，鍾意嘅嘢先會做得好

如果您最後揀咗ECON / BAFS，送定下列Playlist您，嚟緊3年全力跟操，奪星之路已經成功在望！

【DSE ECON 2025 Tariff咁考>】「特」式關稅戰開打

Mon, 03 Feb 2025 03:49:19 GMT

DSE Econ International Trade 必讀

1. 蛇年伊始，特朗普宣布對中國、加拿大、墨西哥實施10-25%不等關稅，我教elasticity成日同同學講口訣，「彈性愈細，burden愈多稅」

2. 睇返出口數據無獨有偶，美國佔墨西哥同加拿大出口分別高達80%及70%，換句話說，特朗普睇準佢哋倚賴美國嘅特性，關稅都會係兩國嘅exporter食返；而喺本地居民倚賴性較強嘅能源，美國只徵收10%關稅

3. 關稅一出，加元即跌至1加元兌5.36港元新低，這場沒有硝煙的戰爭，可能已能略見勝負，但美國決不獨善其身，關稅勢令本土價格上漲，要素成本上升讓通脹飛升，因通脹高企而居高不下的息率續令企業融資成本繁重而令經濟走不出陰霾

4. 姑且看關稅實施是否能讓外流廠家回歸設廠或令本地就業帶來突破，否則純以經濟一本通書去看，用關稅脅令沒有comparative advantage的商業活動強制進行，可能只苦了人民

5. 應屆DSE 考生須多留意關稅圖表類題目，雖然美國拔劍近期才發酵，但早在半年多前美國已對中國電動車實施關稅，考局絕對有動機在這風雨飄搖的時代下考驗學生的世界觀。關稅還有可能橫跨以下topics

- elasticity (尤其factor affecting elasticity)

- ADAS MODEL (Stagflation風險加劇）

- BOP (關稅怎樣影響BOP內各account的balance)

立即入手DSE ECON步步GO星點播精讀課程

用最短時間、最便捷途徑、最易明方法

為您大學入場券全取7分

【如何部署DSE BAFS 2025驟起的變革﹖】

Sun, 02 Feb 2025 05:22:03 GMT

DSE BAFS 2025起將起重大變革，PAPER 1 MC規模縮減，ACCOUNTING部分悉數撥回PAPER 2，意義係ACCOUNTING同學仔唔能夠再喺PAPER 1屈分，而原本「有得揀你先係老闆」嘅MC會融入PAPER2考同學仔最弱嘅文字

ACCOUNTING 課程繼續「有減冇加」機制，主要CUT走咗PAPER 1 JV、FRANCHISE、PUBLIC ENTERPRISE、NOMINAL PARTNER、MBO、BUSINESS FUNCTIONS間協調解難、GEM同上市條件

而PAPER 2 則砍掉PARTNERSHIP DISSOLUTION、CASH & INVENTORY LOSS、兩隻少考嘅RATIOS -OBJECTIVITY & TIMELINESS 、計Ratio後給公司的建議及ABSORPTION 與 MARGINAL COSTING之間的盈利差異分析‼️

立即入手 DSE BAFS 步步GO星精讀課程

不靠死背、快速用邏輯打穩根基、洞悉出題趨勢教您避雷！

【DSE ECON 2025攻略】本地線熱門DRQ經濟議題-的士大戰網約車

Sun, 02 Feb 2025 05:01:06 GMT

半年前做功課draft 呢條題目時，市區的士牌價350萬，比高峰期減半，到今天牌價只餘285萬，息率高企，加上政府對網約車態度不明朗，令牌照愈跌愈有
的士問題很大程度上是香港服務業縮影，政府嚴限牌照數量於18,000個，的士牌在2015年被瘋狂炒上725萬，10年後今天炒風散去，今天牌價只餘10年前的3分之1，唯有在車租收返，租金居高不下，紐約時報計過的哥要每小時搵14美金先breakeven，車資大部分用以支付租金及車保情況下，的士業的問題絕對不是禮貌運動解決得了
一連串好基本嘅經濟學已解釋到香港的士業到底發生了甚麼事，24小時無差別限價、限量，聞到嘅係deadweight loss味；的哥靠載程、距離搵食，係piece rate嘅錯
今天牌價低殘，網約、自駕時代風雨欲來，其實造就一個千年難得一遇嘅契機俾政府去檢討發牌制度，維護交通系統世界一嘅美譽

立即入手 > DSE ECON$718 5** ALL IN 試題套餐

銷量破千份、每年增新當年熱門議題、全城激罕MC影片答案

原來考試可以咁樣準備！

【DSE BAFS 2025】激罕PAPER 2 TIPS

Fri, 31 Jan 2025 05:53:42 GMT

1. 唔想濫用激罕呢組字，但BAFS嚟講，的確不曾喺任何年份出過tips，原因佢唔似econ咁貼時事，有得鋪定條答題路

2. 但2025 BAFS悉逢巨變，就用呢條片講講一啲操咁多年題observe 到嘅我見，佢唔一定咁出，但你從中可更了解考局個邏輯思維，你會知要熟到咩地步先駕馭到份卷

3. 其中一個挑戰係「倒轉行」，其實同數學一樣，當你識順著計（例如：1+1 =？），考官就會想睇你識唔識1+？=2，BAFS其實走一樣趨勢，好多嘢都係要你還原

4. 呢個同英文proofread一樣，你要有透徹嘅文法底蘊，先locate到點除錯同還原，會計有好多規矩、夾雜唔同時間發生嘅紀錄，玩到好多combinations，希望呢9個例子幫到同學喺應戰之前，終究「學懂怎樣學懂」BAFS

立即入手

DSE BAFS 步步GO星精讀課程

逐課擊破關鍵難題！

【DSE ECON 2025必考攻略】國產CHATGPT DEEPSEEK震懾矽谷登場未來經濟又怎樣步入新里程？

Tue, 28 Jan 2025 06:35:57 GMT

1. 國產AI模型DEEPSEEK甫登場便震懾科技巨頭，原因在美國高端晶片封鎖戰下，中國AI模型訓練商能做出性價比極高大模型，據報開發成本僅550萬美元，比動輒數以十億計美元建軍的OpenAI，每次查詢成本降低了98%

2. 性價比之高不禁令市場質疑，此前美國科技界的萬億建構AI Infra，算力即國力的高調姿態是否言過其實，隔晚晶片領頭羊NVIDIA 股價勁挫16%

3. 除了成本優勢，DEEPSEEK與別不同的地方是開源，即可融匯其他世界一流模型，而科技巨頭往後亦可建基於DEEPSEEK，訓練出新模型，故META旋即組建4個團隊跟進

4. 在這個星期此前，全世界包括TRUMP都還在認為美國AI互城河在於硬件，終究AI關鍵不在於晶片上微細的納米比拼，而是在於人的開源，這對政策一向偏右的「特」式政府帶來一記當頭棒喝

5. 阿SIR講過2024算係AI元年，DSE ECON有好多範疇可以考，而近年考局出過AI Chatbot考3 economic questions同大家打過招呼，接續須多留意以下課題嘅出現

- AI 對occupational mobility、labor productivity 等production 變量的影響

- AI 對AD、SRAS、LRAS的影響（呢條可以係大題）

- 最後係用晶片管制考international trade quota

一定要喺腦海鋪陳哂所有應考場景答法先入場考中

立即入手

百題挑戰MC MOCK

Firm & Production 精讀課程

ADAS 精讀課程

International Trade 精讀課程

備習您的無懈可擊答題框！

【DSE BAFS 2025攻略】PARTNERSHIP 範圍縮到咁細小心佢出得更精細更難？

Mon, 27 Jan 2025 14:54:53 GMT

只俾新Partner帶幾多錢嚟買Goodwill，要您倒推Goodwill有幾多﹖

1. 2025 DSE BAFS其中一個遭逢巨變嘅topic係partnership，成個精粹realization湮滅，考少咗咁大面積嘅partnership會唔會考得更精細更難呢﹖

2. 喺今年會計師公會份mock其中有個point出得幾特別，係唔俾goodwill實數你，但提及新partner帶咗幾錢入嚟買goodwill，變相要你兜兜路推返粒大數先做到個goodwill adjustment

3. 歷史上DSE係冇咁出過，而我聽返大部分同學仔個feedback，佢哋都誤會咗新partner帶入嚟筆錢就係整份Goodwill，如果DSE 咁出，相信會成為經典，亦作為一個我拎走realization唔代表簡單咗嘅alert！

立即入手Partnership精讀課程，只消100分鐘學好於Partnership 首見的Appropriation Account、 Capital & Current Account、Revaluation及Goodwill Adjustment等要訣！

【DSE ECON MONEY & BANKING】 BITCOIN 升穿10萬美元幾年之間愈來愈具優秀貨幣的特質？

Mon, 27 Jan 2025 14:16:16 GMT

1. 自特朗普高票當選美國總統後，BITCOIN拾級而上，終升穿10萬美元，達all time high $108k

2. 市場對加密貨幣憧憬來自特班子對加密貨幣嘅擁抱：特朗普任命兩名親加密貨幣要員入閣，包括被特稱為白宮「加密幣沙皇」DAVID SACKS及候任證監主席PAUL ATKINS ，一改以往針對加密幣合法性的監管立場

3. 特朗普亦為把比特幣納入國家儲備等政策放風，事實上美國國債已抵36.19萬億歷史高水平，搞局催生全新貨幣體系長遠有助撇債

4. 大國對加密貨幣的歸邊，有助推升公眾對其成為貨幣的信心，喺加密貨幣冒起之初有人「豪擲」數十以至數百比特幣買pizza，當年可能就係看輕了比特幣作為standard of deferred payment功能，所以「盡使」，現在人們都不敢胡亂用比特幣買等值的東西，你說幾年之間，比特幣有否趨近優秀貨幣的特質？

立即入手Money & Banking精讀課程，一堂2小時40分鐘內學識Money Characteristics & Features, Money Supply (M0 M1 M2 M3), Deposit Creation, Role of Monetary Authority, Money Demand (Transaction Demand of Money & Asset Demand of Money), Money Market，可能係你上過最高效嘅Econ堂！

DSE 2025 BAFS | ALLOWANCE FOR DOUBTFUL DEBT激新玩法

Mon, 27 Jan 2025 12:32:36 GMT

點樣用嘟八達通概念秒懂Allowance for doubtful debt?

1. 2025年AFDD劃一只接受新法，所謂新法其實是把Bad debt 融落AFDD，官方原因是做法與市場實況更貼近。

2. 換句話說，以往撥備還撥備（prepare for AFDD)，BAD DEBT另外當支出錄入的場境，不復再。

3. 要駕馭AFDD其實只要當佢係一張壞脹八達通便可以，因為債仔有機唔還錢，公司開定張八達通，等有人唔還錢時扣數。

4. 稱得上八達通，作為撥備所以CR + 的AFDD CR SIDE會有去年帶落嚟的餘額、因BAD DEBT RECOVERY而入返公司的錢與及期結要維繫AFDD在特定水平的「增值」。

5. 至於DR SIDE理所當然就擺當年債仔聲稱不還款的帳目，意即在AFDD八達通中扣數，最後題目會指示期末要維持幾多BALANCE於AFDD，DR 與 CR 的差額，在剛說過的CR SIDE增值，打到夠數為止，悉數落該年P&L 作支出。

想成課Pre-balancing Day Adjustment學得妥妥當當﹖呢課精讀課程要有！一堂講哂Prepayment & Accruals + Depreciation + Allowance for doubtful debt ，絕對可以改變今後學習BAFS嘅價值觀！

gutsedu

DSE BAFS 2026 | SEC C兩大題目會考邊課？ 2025師兄師姐邊啲地方未夠好？

DSE ECON EXTERNALITY 從封鎖霍爾木茲海峽學界外正效應

DSE BAFS Accounting Principles | 用AEON財報學GOING CONCERN

DSE ECON 2026 | 2025 邊5題MC被貼堂？

DSE ECON | DEMAND & SUPPLY | RELATIVE PRICE ｜ 長者$2車變$2兩折 政策上邊度出錯 令資源錯配？

DSE ECON ELASTICITY 燃油附加費翻倍下 機票的供需彈性

DSE ECON E1 MONOPOLY、ADAS 點解港油零舍貴？

DSE ECON INT TRADE、BOP & ADAS 特朗普攻打伊朗 主因可能只係關稅被阻

DSE ECON 2027 美伊戰爭 引爆油價 | 航企燃油對沖扮演甚麼作用﹖

DSE ECON E1 PRICE DISCRIMINATION 萬物之源 - 油 原來係學ECON神器？

DSE ECON MONEY & BANKING 避險不避險？美伊戰時黃金、比特幣走向 看清避險真相

DSE ECON MACROECONOMICS PROBLEM | 跟波叔學「處理」FISCAL DEFICIT

波叔年年有餘的財經哲學

DSE ECON 2025 Q13 E2 曲直PPF共冶一爐 這個考局不太冷？

DSE ECON 2025 Q12 E1 首年Elective重啟 考局有沒留一手？

DSE ECON 2026 ｜簡樸房條例即將生效 限價後限質 基層租戶得與失

DSE ECON 2026 BOP 世界級教材 | 美元指數下挫至4年低位 特朗普對等關稅的最後一步大棋成真？

【DSE BAFS】有一本管理學教科書叫「曼聯」用沒落紅魔學P1 Management Functions

DSE BAFS 一個Depreciation小財技 令美科企每年每間多賺數百億美元？

美國科技7雄MAG7的千億折舊術

DSE ECON 2026【天命最高經濟學】尋秦記的Externality

【重磅】決戰DSE ECON 2026 必考公營醫療費用改革

DSE ECON AI 改寫PRODUCTIVITY、LRAS | 輝達黃仁勳被時代雜誌評選為2025風雲人物

DSE BAFS PARTNERSHIP 終極滿分寶鑑

【DSE BAFS RATIOS】囤幣公司的估值神話 原來RATIO可以咁樣玩到出神入化﹖

DSE BAFS CORRECTION OF ERROR的終極攻略

DSE ECON MONEY FEATURE & FUNCTIONS 【避險資產狂熱】金價破頂 現貨金上破4千美元

【DSE ECON MONEY & BANKING】 RWA實體資產代幣化 梵高幅畫都可以攞返嚟做貨幣？

【DSE BAFS COSTING 入門 】45分鐘學齊所有COST TYPES、COST BEHAVIORS

打爆Section C | DSE BAFS Incomplete Record 攻略 (不斷更新)

【DSE BAFS】超級BANK REC 攻略

DSE BAFS ABSORPTION / MARGINAL COSTING 攻略

破解ABSORPTION / MARGINAL COSTING 7大雷區 | COSTING即滿分

【DSE 讀書心法】如何做到1吋長、8倍強﹖同步磨利你的長、闊、高

【DSE ECON 2028】ELECTIVE選修課題的重大改變

【DSE ECON 2028】 選修二揀一 變 可不選修

DSE ECON DEPOSIT CREATION 8分鐘講完IMMEDIATE EFFECT、 銀行體系借1次、借2次場景

DSE ECON 2026 MONEY | 以伊戰爭當日的避險貨幣走勢

DSE ECON 2026 的士大戰網約車終局 500萬回購蟹貨牌的FF

【DSE ECON 2026】 甚麼是穩定幣？ 它如何塑造加密貨幣的金錢特質？ 【MONEY & BANKING】

【中三揀科神攻略】多數人讀幾多個、讀邊個、點組合ELECTIVES?

DSE ECON GDP DEFLATOR | 留意比較年份 唔好高過100就當通脹

DSE ECON MONEY & BANKING | 教一次MS、MB、Deposit Creation同框題型

【DSE ECON】 GOVERNMENT INTERVENTION 喺表點移位﹖

【DSE ECON Elective 1神部署】 盤點E1 學生總係 「頭暈身㷫」的地方

【DSE ECON Money Demand - Ma】美債價跌美息點解會升？

【DSE ECON 2026】不斷更新 美國對等關稅合集

【DSE ECON 2026】京東攻港 挑機另一寡頭壟斷 是福還是禍？

DSE BAFS COST DECISION MAKING亂中有序神攻略

DSE ECON INTEREST RATE 利率總係唔GET點計?

盤點5大DSE ECON 2025 DRQ熱門議題

機會只留俾準備充足嘅同學

【DSE ECON】 QTM 10誡

【DSE ECON】 M0、M1、M2、M3 貨幣供應最陰玩法

【DSE ECON 2026 EQUALITY】 急症室費用兩級制 96.4%診症同市價睇齊？

【DSE BAFS RATIO】盤點茶飲店IPO落妝後的模樣 市值近1500億的蜜雪 有沒秘密說？

【DSE ECON MARKET STRUCTURE】點解個個寡頭壟斷都有得做 係得外賣平台唔可以？

【DSE ECON MONETARY POLICY】美國推冧股市谷美債 為瘋狂印銀紙埋單 防止美金跌至零？

【DSE ECON ELECTIVE 1】2級價歧 定價的「偽術」

大埔新盤買一個大嘅加88萬有多個細嘅？

【DSE BAFS】PARTNERSHIP終極解鎖 ｜開合GOODWILL全場景做齊

【DSE ECON】 一文說清Relative Price

【DSE ECON】做INTERNATIONAL TRADE計數題成日錯？ 一文睇清100%答對率的5大細心位

【DSE BAFS 2025 PAPER 1】 2025新制PAPER 1劈到全卷佔得25%就唔溫？

用AI SORT哂 DSE BAFS考卷上曾出現過的 HK's Economy Features

【DSE ECON GDP】 解說一遍 Expenditure Approach伏位

【DSE ECON】用AI SORT哂歷屆出過嘅影響ADAS因素逐個鱗

新生代就要用新生代溫書方法

【DSE BAFS】 INCOMPLETE RECORD重塑期末存貨（INVENTORY)大速成

一文解鎖Inventory Valuation 4大場景

【DSE BAFS INVENTORY】 NORMAL LOSS VS ABNORMAL LOSS的處理方法

場景咁多樣 學校剪到王家衛啲片咁教 得唔得呀﹖

【DSE ECON MONEY & BANKING】 假如美國Fort Knox沒黃金

【DSE ECON】Balance of Payment (BOP)速成

還傻傻分不清Change in Reserve 同Change in Reserve Asset?

【DSE BAFS P1】 上市僅3年多再私有化 日本仔如何免費套譚仔？

【不斷更新】DSE ECON 2025 攻略/貼士/劇透 合集

【DSE ECON】 DIMINISHING MARGINAL RETURN 速成

好多DSE ECON計數題 其實路只有一條 關鍵是還原

DSE ECON | DEMAND & SUPPLY | RELATIVE PRICE ｜長者$2車變$2兩折政策上邊度出錯令資源錯配？

DSE ECON ELASTICITY 燃油附加費翻倍下機票的供需彈性

DSE ECON INT TRADE、BOP & ADAS 特朗普攻打伊朗主因可能只係關稅被阻

DSE ECON 2027 美伊戰爭引爆油價 | 航企燃油對沖扮演甚麼作用﹖

DSE ECON E1 PRICE DISCRIMINATION 萬物之源 - 油原來係學ECON神器？

DSE ECON MONEY & BANKING 避險不避險？美伊戰時黃金、比特幣走向看清避險真相

DSE ECON 2025 Q13 E2 曲直PPF共冶一爐這個考局不太冷？

DSE ECON 2025 Q12 E1 首年Elective重啟考局有沒留一手？

DSE ECON 2026 ｜簡樸房條例即將生效限價後限質基層租戶得與失

DSE ECON 2026 BOP 世界級教材 | 美元指數下挫至4年低位特朗普對等關稅的最後一步大棋成真？

DSE BAFS 一個Depreciation小財技令美科企每年每間多賺數百億美元？

【DSE BAFS RATIOS】囤幣公司的估值神話原來RATIO可以咁樣玩到出神入化﹖

DSE ECON MONEY FEATURE & FUNCTIONS 【避險資產狂熱】金價破頂現貨金上破4千美元

【DSE ECON MONEY & BANKING】 RWA實體資產代幣化梵高幅畫都可以攞返嚟做貨幣？

【DSE BAFS COSTING 入門】45分鐘學齊所有COST TYPES、COST BEHAVIORS

【DSE ECON 2028】選修二揀一變可不選修

DSE ECON DEPOSIT CREATION 8分鐘講完IMMEDIATE EFFECT、銀行體系借1次、借2次場景

【DSE ECON 2026】甚麼是穩定幣？它如何塑造加密貨幣的金錢特質？【MONEY & BANKING】

DSE ECON GDP DEFLATOR | 留意比較年份唔好高過100就當通脹

【DSE ECON Elective 1神部署】盤點E1 學生總係「頭暈身㷫」的地方

【DSE ECON 2026】不斷更新美國對等關稅合集

【DSE ECON 2026】京東攻港挑機另一寡頭壟斷是福還是禍？

【DSE ECON 2026 EQUALITY】急症室費用兩級制 96.4%診症同市價睇齊？

【DSE BAFS RATIO】盤點茶飲店IPO落妝後的模樣市值近1500億的蜜雪有沒秘密說？

【DSE ECON MARKET STRUCTURE】點解個個寡頭壟斷都有得做係得外賣平台唔可以？

【DSE ECON MONETARY POLICY】美國推冧股市谷美債為瘋狂印銀紙埋單防止美金跌至零？

【DSE ECON ELECTIVE 1】2級價歧定價的「偽術」

【DSE BAFS】PARTNERSHIP終極解鎖｜開合GOODWILL全場景做齊

【DSE ECON】一文說清Relative Price

【DSE ECON】做INTERNATIONAL TRADE計數題成日錯？一文睇清100%答對率的5大細心位

【DSE ECON GDP】解說一遍 Expenditure Approach伏位

場景咁多樣學校剪到王家衛啲片咁教得唔得呀﹖

【DSE ECON MONEY & BANKING】假如美國Fort Knox沒黃金

【DSE BAFS P1】上市僅3年多再私有化日本仔如何免費套譚仔？

【不斷更新】DSE ECON 2025 攻略/貼士/劇透合集

好多DSE ECON計數題其實路只有一條關鍵是還原

【DSE ECON】盤點Opportunity Cost變化 5大場景

【DSE ECON DEPOSIT CREATION】存款創造4大場景不出4步秒計答案

5年之後再考返 Elective 1重字 Elective 2重圖您會點樣揀﹖

【DSE ECON】總是學不會甚麼計進GDP、甚麼計進GNI﹖

【DSE ECON Elective 1】啟德地皇蝕讓用實例學齊Price Discrimination

【DSE ECON INTEREST RATE】孳息率倒掛預視經濟衰退為何萬試萬靈？

【DSE ECON 2025攻略】本地線熱門DRQ經濟議題-的士大戰網約車

【DSE ECON 2025必考攻略】國產CHATGPT DEEPSEEK震懾矽谷登場未來經濟又怎樣步入新里程？

【DSE BAFS 2025攻略】PARTNERSHIP 範圍縮到咁細小心佢出得更精細更難？

【DSE ECON MONEY & BANKING】 BITCOIN 升穿10萬美元幾年之間愈來愈具優秀貨幣的特質？