尋日一口氣寫哂咩體質啱揀BA、咩體質啱揀ECON，個感覺好似阿SIR當年升U第一日O-Day，好多莊會嚟「踢你入會」，尤記得有個叫「水會」，顧名思義，係玩水嘅😎佢嘅賣點係好多靚仔靚女一齊玩水上活動，我望著同行同學流哂口水好想入會咁，我就知入到去個主車群就會係呢啲麻甩仔，所以阿SIR最後冇join，努力讀書1st hon畢業。 講呢段故係想同學明白揀科係一個strategic move，「搞到咁複雜做乜鬼？我中三而已」，有冇發現你學校將啲Econ / BAFS濃縮課程擺中三教，人哋已開始揀蟀；到你中四未完，成績一般，佢就叫你drop咗佢。出生率下降，學校要用公開考試成績卓越嘅tagline收新生，佢用佢跑KPI嘅角度同你分科，你零部署就會被人部署，最後揀咗科「落力為你好，得不到分數」嘅，就一切太遲 （前言都講咗成大篇，下篇真·分析揀科要訣） 👇🏻 1. 興趣： 鍾意嘅嘢先會學得好，例如：你鍾意睇火山、研風向嘅，一定係揀地理。不止一次講，要學好任何學科，研習第一原理，即點解會咁，而唔係老師餵咩俾您您食乜，你先玩得掂考局啲tricky MC。「阿SIR，我都唔知自己興趣係乜！」試下用排除法，一啲您聽到覺得打冷震嘅刪咗佢，剩低冇特別感覺嘅都可揀，配合埋我下面講其他因素去揀 2. 競爭： 阿SIR之前分享過奪星率較高科目，偏重於數理為主，一來佢有絕對答案、二來勁人鍾意理科出路多，雖然多人攞星，但競爭大適合由細到大數理超強，第時又想向醫學、護理業發展嘅學生。奪星率榜兩個極端，一端係叻嘅mass，一端係叻嘅specialist，如果喺藝術、音樂有專長，就算低奪星率，呢班人都會自動埋位。假如你正係唔揀數理、冇特別專長，建議考慮奪星率中上游科目（ECON & BAFS都算係） 3. 將來： 只係用現時處境去諗會有好多盲點，好似YouTube啲演算法咁，你溫書時睇開阿SIR啲片，YouTube以為您好鍾意，考完試都係咁feed俾你，「好鐘意」原來都要睇場景，我揀科好鍾意嘅歷史，到大學以至出到嚟做嘢有乜嘢實質作用？講到歷史好似冇用咁，其實阿SIR Alevel係讀史，喺無盡嘅essay操練，佢訓練到我英文writing、邏輯鋪陳，同埋喺淹沒資料海中如何極速spot到重點，所以揀科要諗埋你想成為一個點樣嘅人，而果科點訓練到您；另外，假如你想大學讀business，條路最順一定係學齊Econ + BAFS，因為上到去BBA你第一年都係學返同一樣嘢，屈著分咁去，開咗個靚頭，有時順暢令你有信心去更高嘅高度 4. 資源： LAST BUT NOT THE LEAST，一個學科資源多唔多同佢報考人數有絕對關係，YouTube多唔多人教、多唔多試題可參考、多唔多同學仔討論，呢啲因素都好重要，AI 世代，學習已經係beyond classroom嘅事，你喺每一個面向對學科嘅互動都提升緊您該科嘅認知與應用，所以如果唔係有特別專長，要盡泊大科 5. 最後最後，「阿SIR你當年咁有目的去揀科？」，坦白講都係憑感覺，寫埋心得出嚟，係俾大家有更透徹angle做更好嘅選擇 揀定ECON / BAFS，就是要有 雙商升星點播精讀課程
1. 同BAFS有一套規矩俾你跟唔同，ECON本身係set up一連串模型，俾你透過觀察可量度變量，去睇個世界係點行，所以ECON需要嘅係邏輯思考強嘅人，如果真係要比較，ECON係難過BAFS嘅 2. 考試會將好多現實例子關聯到你學咗嘅concept，再問你對錯，又或者乜嘢程度上啱、乜嘢程度上錯，回顧返初中嘅語文訓練，無論中文定英文，都好少擺個重點喺鋪陳邏輯上，所以變咗理解隔咗一重山，表達返出嚟再隔另一重 3. 同BAFS P1 果啲好事實性嘅MC純玩字唔同，ECON MC 玩高一個層次係邏輯上嘅tricky，同學可以熟哂每一課書，但第一次做MC一題都唔識，因有現實例子，出題面貌好多樣，學生要先較對了概念，再研判邏輯，後定奪答案，而考局喺呢部分都毫不容氣，從不打直球，佢經常將你獨立學嘅算式，併埋一齊去考；又或者考你一啲定義上嘅細位 4. 最後我會咁總結，BAFS很routine，需要謹慎、有條理嘅人；ECON需要有求真精神嘅人，唔係俾咗定義你就背，而係你喺定義之上諗好多唔同場景，邊啲case計邊啲case唔計，再用一套Econ 框架回應 5. 就咁聽ECON好似好難，但no pain, no gain，敢說Econ果種思考模式對學生後續做任何分析類工作都會好有幫助 揀定ECON/BAFS> 就是要有呢個 雙商升星點播精讀課程
1. 未仔細講BAFS學乜前，No.1規矩揀科係睇興趣，有興趣嘅嘢先會做得好，我哋唔會叫個鍾意畫畫嘅讀ECON同BAFS，好多學校會基於「對賽成績」焗咗學生揀某啲科，呢個係點解香港沒C朗美斯嘅原因 2. 寫之前我決定用laymen terms去形容BAFS，簡單啲講你會好似去咗間藥材舖打工咁，第一日你會被人帶去一個巨型百子櫃，裡面擺滿藥，老闆會話「慢慢嚟，但遲啲成個櫃你睇哂」 3. 佢會簡介啲規矩你聽，百子櫃嘅唔同部分分別擺咩、擺放嘅邏輯，你會學好唔同嘅藥名，呢啲名你唔熟，你亦會嫌啲藥材一陣味，唔太願意留喺果個環境，但你知道隔嚟個廚房可能係ECON)仲熱，你洗濕咗個頭，冇得走 4. 你會嘗試死背死記，但個櫃太大、啲名又亂、老闆又講啲唔講啲，到過「試用期考核」，你將出嘅放咗入、入嘅放咗去出，啲藥名similar嘅放咗埋一齊，老闆：「Welcome to BAFS! 你同我執返好佢，唔好食壞人」，就係咁你同佢改完又錯、錯完又改、改埋人哋啲錯，兩年半🤣 5. 學好呢科嘅關鍵從來都唔係死背死記，而係要明佢點解要咁擺位，大邏輯get之後，你要喺多重場景判別題目啲動作係幾時做、做到邊、做多做少，幫佢跟進返 6. 所以最終BAFS係要個好熟規矩、見微知著、可從唔同部驟切入幫手做follow up嘅人，裡面嘅知識好難講唔上，但搞得掂BAFS嘅人，老闆會覺得可靠。回應返pt 1講興趣，你可能會秒答我都唔知自己興趣係咩，如是者，揀之前不如諗下你想成為一個點嘅人，學科對人物性格塑形可以好大 揀定咗ECON/BAFS > 呢個雙商升星線上點播課程幫到您