1. 上年分析過疫後JUPAS APPLICANTS由低位後彈，2026再升5.5%去到45k幾人，ugc funded學位長年cap喺15k，競爭係激烈咗 2. 又話出生率跌嘅咁啲人邊度嚟，阿SIR用AI plot咗張圖，對照JUPAS申請人數與對應出生年份嘅出生率，其實喺2022年開始，我哋已踏進一段頗長嘅出生率暴升期，只係疫情時影響跨境學習活動，延後到25先顯著反應呢批人口增長 3. 人口增長追溯到BAFS P1有教嘅CEPA，當年開自由行，好多雙非家長於本地生產推到2011年每千人口有13.5個BB嘅位，之後政府落藥行0雙非，個率慢慢由高位回落返，簡單講JUPAS激烈狀況會持續到2030 4. 除咗叫大家努力啲之外，阿SIR嘅提醒係JUPAS係個心理遊戲，睇返各大院校今日公布熱門BAND A選項數據，最爭崩頭嘅係嶺大健康與社會服務、教大嘅心理學同體育科學，近50人爭1位 5. 唔少DSE同學考完試或放榜後去揀水泡科係無可厚非，但AI世代資訊變得更透明，做好數據分析，避揀大家認定嘅水泡或本身學額極少嘅水泡，都係game plan一部分

DSE ECON 2027 Basic Concept 基本概念 世盃經濟學 ｜水break真係為球員健康而設？ 1.今屆世盃每場多咗4個hydration breaks，話就話俾球員補充水份，但啲球員個個打開高對抗性聯賽都唔使break，今屆世盃喺美墨加唔算熱，水break都係商業考量大於一切 2. 傳統比賽90分鐘分兩半場各45分鐘開賽，中間15分鐘小休，電視轉播廣告就只有呢短短15分鐘播放，而球員要休息嘅同時全球唔同時點睇緊波嘅觀眾都要抖，「淥個麵、方個便，我哋轉頭又見面🥹」廣告成效就會低，於比賽期間加插極短小休，激戰時3分鐘斷估你唔會行開喇卦🤭 3. 想用呢個例子解釋點解同學喺處理3個經濟基礎問題時會感到困惑： WHAT TO PRODUCE/ 如果題目講明廣告商痛點，廣告時間唔夠或成效存疑，設立水break就係解決生產甚麼 HOW TO PRODUCE/ 如果題目講係為讓球員補水，將比賽細化𠝹開，水break就變咗解決怎樣生產 同一動作、不同背景與動機，可以揀唔同答案，呢個可能亦係學生覺得Econ難嘅原因 跟我一堂學好BASIC CONCEPT 基本概念

1.寫於5月4日考完當晚凌晨，陸續收返同學啲考卷，呢個時候總結、蒸餾新一年部署最有感 2.我鍾意睇同學落場footnotes，佢有冇運用好教佢嘅skill，邊啲位「棘」，一目了然，呢啲都成為賽後檢討嘅takeaway，下次再喺邊度下功夫 3.慶幸一啲同學平日睇佢都唔知有冇入到腦嘅，臨場好多skills都apply得番，山不轉路不轉人轉，幅圖好複雜嘅代數入去睇、啲邏輯講到一口泡嘅，畫圖去visualize，一切皆有法 4.十分欣賞第一題：如果沒有Scarcity，我諗我教Econ咁多年首課首堂首句台辭，就係解答呢個問題，Econ一切源起自Scarcity，沒有稀缺，往後都不用討論，阿SIR呢份part time都冇埋🥹 5.唔打算文字重覆片內嘅部署，只講多一句，愈後睇你部署嘅時間愈tight，有人兩星期都可以攞雙星，你要1年/半年/一季？you have control

1. 由細到大，冇乜人有教過點樣溫書，溫書就好似學母語咁，一種自己憑經驗習得嘅技能，但唔係每個人都搵得到啱嘅方法 2. 上年曾就每主要課次出過針對性打法嘅攻略，有時間要煲，今次做過wrap up等無論由乜嘢起點出發嘅同學仔，有向可依 3. 如果用戰場形容考試，考局每每就係拎著重炮嘅敵方，學生入到戰場先猛然發現自己拎著嘅只係把牛油刀，落差嘅存在係因為同學喺個局入面，視溫書為信仰，覺得努力付出了回報就會嚟，而忽略咗真正了解對手 4. 片裡面從根源教您學accounting嘅思維、次序、操練邏輯、要改掉嘅陋習、邊啲位要摸熟考局嘅脾性，用正確嘅態度同方法學去迎一生幾近只會迎一次嘅大關

1. 政府擬為網約車設牌照數目上限，網約平台即時動恫嚇牌照太少，繁忙時段車費暴增；的士團體覺得牌照太多，比他們倡議的多了10倍，誰對誰錯？ 2. 阿SIR由2025開始分析 的士大戰網約車 這場時代對決，一直有個觀點是傳統的士市場因政府手影太多（限量、限價），令不同供需狀況下的場景欠缺靈活性 3. 互聯網甚至乎AI入局，可大幅減低資訊成本，動態價格調控可把價格功能發揮到極緻，供需本身不須用政策把關，無論對司機或乘客均根源解決了「司機唔肯過海」、「司機太短程唔接」等問題 4. 政府要管的反而是算法透明度，個別網約平台獨大後，應如何靈活及適時使用違反競爭行為法例作實時調節才是新經濟管理良方，這一點同樣適用於網上外賣平台規管，政府應盡快適應新經濟邏輯，而非舊酒新瓶把管傳統的士那套蓋於網約車

1. 耐不久就傳foodpanda賣盤，佢母企近年喺好多新興市場退市，又想局部賣，到最後想成件賣俾對手，成唔成功冇人會知，但手影反映控股股東好想exit 2. 阿SIR分析過外賣平台係好”dirty”嘅business，唔係貶低送餐前線，而係外賣平台本身要engage餐廳、騎手及客戶，佢哋係做緊一個第4方嘅coordinator，是旦一個環節唔乖，都唔使講profit，分分鐘要倒賠，呢個係難做嘅地方，所以就算做到龍頭，有苦自己知，息率一高企資金緊絀個燒錢故事就完 3. Uber 唔係冇試過自己做，但成績係點有目共睹，或者呢個係佢個策略，自己揼石仔只係做market testing，等人哋揼完先做王者成件買，咁係好「韓劇式」去睇成件事🤭，又或者只係巧合因為Uber 當初退場冇亂燒錢而贏咗，所以可以做王者 4. 點都好，外賣點都係一個流量入口，再配其他生意變現，Uber唔會係靠外賣贏打車、亦唔會靠打車贏外賣，真正戰場應該喺金融

1. 近十多年有見歐美內陸 廉航模式成熟，傳統航企紛紛透過併購或成立子公司搶佔講求營運效能造到極緻去擠出利潤的廉航，飛往2線機場、不包行李餐膳、非繁忙時段升降的廉價選項應運而生 2. 昨日國泰及快運因油價飆升宣布削減航班，原以為戰事令中東三寶受災，國泰客運量應有望上揚，似乎票價高企有趕客之嫌，即旅客對飛行的需求彈性大，航企致力將油價轉嫁後部分航班客運量支撐不起飛行所涉的大量固定成本，令航企不得不削減「飛一班、蝕一班」的班次 3. 觀乎國泰年報，快運2025年全年虧損近10億，比2024年擴大4倍，即美伊戰事前，廉航營運已響警號。就係因為間間航企都配備廉航，區域航線競爭大、另新航點收客不似預期，都係虧損主因。事實上，疫後高鐵的廣泛應用亦對令內地線多了強大競爭者，由西九往北京全程最快8個多小時，以市區往市區計總時長可能比飛機快，這些都解釋了為何快運加燃油附加費時內地段亦較溫和 4. 燃油附加費與機場建設費這些固定費用加諸於廉航票價，更令廉航票價優勢蕩然無存，因為這些固定費用佔廉航票價較大的比例，實施後廉航顧客流失比例較傳統航空高，整體市場已因戰事萎縮，廉航對傳統航空搭乘比再降，對講求規模效應、營運極緻的廉航自然造成毁滅性衝擊

哭出來，阿SIR喺DSE後歐洲之旅嘅機票因為中東戰火未熄被航空公司取消哂😭 今日呢個例子唔係想講咩航空經濟學，而係2025考局話過考生唔熟、且會同accrual concept 溝亂嘅realization Realization 著重一間公司賣貨賣服務時去到咩位先計做收入，如果呢條rule唔寫好，啲公司為咗做靚盤數，可能就會有咁鬆得咁鬆，例如：買車落$100訂，當期銷售計幾十萬咁 好似阿SIR嘅機票case，情理上航空公司都唔會喺乘客訂票一刻計收入，而係喺啲飛入到non refundable而航空公司又能執飛果刻先book得入財報，所以realization有4大條件框著甚麼時候收入可計，廢事具創意嘅公司財務各自詮釋 1. 貨品/服務嘅風險與回報已轉移予客 2. 賣家對貨品/服務已無控制 3. 確信能收到款項 4. 買賣金額已確認 至於accrual 著眼點係無論收入定支出都唔係俾果刻計入當年P&L，而係實際引伸果刻先錄入P&L，同realization只針對sales同著眼定義「實際引伸」其實有好大嘅不同

1. 仲有唔夠一個月就入BAFS戰場，睇返啲片嘅觀看數據，略嫌同學今屆對Paper 1嘅重視度弱咗，聽我講🥹，P1都佔整返卷4分之1嘅分數，要掃星星一分都不能少 2. 因2025改制而喺之前兩年狂chur嘅partnership喺改制年冇出大嘢，個人認為今年會出返條大嘅，而且會強化餘下內容嘅考核，包括但不限於goodwill、trial balance布局、以至capital deficiency嘅handling，作為後世新partnership標桿 3. 2025可以話係激罕地「遺漏」咗Bank Rec，SEC B考返一條完整嘅走唔甩，要玩熟由錯嘅/正確嘅cash book推到錯嘅/正確嘅bank statement 嘅所有combination，唔好咁老正認為一定要由錯嘅推到正確 4. 2025條Error x Limited個depreciation 係出大事，同學對trade in嘅做法係好絀劣，漠視咗賣走果架本年數個月嘅折舊、亦忘記新入嚟果架本年數個月嘅折舊，呢啲一律建議畫條timeline，拆件一粒粒NCA做 5. 有兩粒principles，考局點評學生解得衰，包括realization用咗accrual 解、prudence唔熟書等等