1. 同BAFS有一套規矩俾你跟唔同，ECON本身係set up一連串模型，俾你透過觀察可量度變量，去睇個世界係點行，所以ECON需要嘅係邏輯思考強嘅人，如果真係要比較，ECON係難過BAFS嘅 2. 考試會將好多現實例子關聯到你學咗嘅concept，再問你對錯，又或者乜嘢程度上啱、乜嘢程度上錯，回顧返初中嘅語文訓練，無論中文定英文，都好少擺個重點喺鋪陳邏輯上，所以變咗理解隔咗一重山，表達返出嚟再隔另一重 3. 同BAFS P1 果啲好事實性嘅MC純玩字唔同，ECON MC 玩高一個層次係邏輯上嘅tricky，同學可以熟哂每一課書，但第一次做MC一題都唔識，因有現實例子，出題面貌好多樣，學生要先較對了概念，再研判邏輯，後定奪答案，而考局喺呢部分都毫不容氣，從不打直球，佢經常將你獨立學嘅算式，併埋一齊去考；又或者考你一啲定義上嘅細位 4. 最後我會咁總結，BAFS很routine，需要謹慎、有條理嘅人；ECON需要有求真精神嘅人，唔係俾咗定義你就背，而係你喺定義之上諗好多唔同場景，邊啲case計邊啲case唔計，再用一套Econ 框架回應 5. 就咁聽ECON好似好難，但no pain, no gain，敢說Econ果種思考模式對學生後續做任何分析類工作都會好有幫助 揀定ECON/BAFS> 就是要有呢個 雙商升星點播精讀課程
1. 未仔細講BAFS學乜前，No.1規矩揀科係睇興趣，有興趣嘅嘢先會做得好，我哋唔會叫個鍾意畫畫嘅讀ECON同BAFS，好多學校會基於「對賽成績」焗咗學生揀某啲科，呢個係點解香港沒C朗美斯嘅原因 2. 寫之前我決定用laymen terms去形容BAFS，簡單啲講你會好似去咗間藥材舖打工咁，第一日你會被人帶去一個巨型百子櫃，裡面擺滿藥，老闆會話「慢慢嚟，但遲啲成個櫃你睇哂」 3. 佢會簡介啲規矩你聽，百子櫃嘅唔同部分分別擺咩、擺放嘅邏輯，你會學好唔同嘅藥名，呢啲名你唔熟，你亦會嫌啲藥材一陣味，唔太願意留喺果個環境，但你知道隔嚟個廚房可能係ECON)仲熱，你洗濕咗個頭，冇得走 4. 你會嘗試死背死記，但個櫃太大、啲名又亂、老闆又講啲唔講啲，到過「試用期考核」，你將出嘅放咗入、入嘅放咗去出，啲藥名similar嘅放咗埋一齊，老闆：「Welcome to BAFS! 你同我執返好佢，唔好食壞人」，就係咁你同佢改完又錯、錯完又改、改埋人哋啲錯，兩年半🤣 5. 學好呢科嘅關鍵從來都唔係死背死記，而係要明佢點解要咁擺位，大邏輯get之後，你要喺多重場景判別題目啲動作係幾時做、做到邊、做多做少，幫佢跟進返 6. 所以最終BAFS係要個好熟規矩、見微知著、可從唔同部驟切入幫手做follow up嘅人，裡面嘅知識好難講唔上，但搞得掂BAFS嘅人，老闆會覺得可靠。回應返pt 1講興趣，你可能會秒答我都唔知自己興趣係咩，如是者，揀之前不如諗下你想成為一個點嘅人，學科對人物性格塑形可以好大 揀定咗ECON/BAFS > 呢個雙商升星線上點播課程幫到您
1. 前數天前稱Facebook的Meta宣布進軍計算雲業務，消息惹來市場對雲計算服務供應過剩的恐慌，震散了閃存記憶體及昌片等美股版塊 2. Meta早在AI萌芽之初大舉建立自家算力，最可能動機係為旗下社媒、通訊程式業務接入AI演算打好根基，這樣看來是向後垂直（vertical backward)的擴張，為著迎接AI可能消費不菲的算力不倚賴外部供應商，做緊書本上ensure steady supplies of raw materials的角色 3. 只係太雄心壯志設備起多了，索性做埋算力供應商，就好似超市收購農場，最後供埋雞俾酒樓咁嘅例子 4. 隨著更多新時代產物盛行，擴張邊界變得模糊，像Meta的例子，假如雲計算本身並不用於社媒/通訊程式，它可以是集團擴張（conglomerate expansion) ，建議同學多從市場上新例子思考擴張關聯，做題時定必留意考題上列出背景，再作判斷