DSE ECON 2027 世盃經濟學

DSE ECON 2027 Basic Concept 基本概念

世盃經濟學 ｜水break真係為球員健康而設？

1.今屆世盃每場多咗4個hydration breaks，話就話俾球員補充水份，但啲球員個個打開高對抗性聯賽都唔使break，今屆世盃喺美墨加唔算熱，水break都係商業考量大於一切

2. 傳統比賽90分鐘分兩半場各45分鐘開賽，中間15分鐘小休，電視轉播廣告就只有呢短短15分鐘播放，而球員要休息嘅同時全球唔同時點睇緊波嘅觀眾都要抖，「淥個麵、方個便，我哋轉頭又見面🥹」廣告成效就會低，於比賽期間加插極短小休，激戰時3分鐘斷估你唔會行開喇卦🤭

3. 想用呢個例子解釋點解同學喺處理3個經濟基礎問題時會感到困惑：

WHAT TO PRODUCE/ 如果題目講明廣告商痛點，廣告時間唔夠或成效存疑，設立水break就係解決生產甚麼

HOW TO PRODUCE/ 如果題目講係為讓球員補水，將比賽細化𠝹開，水break就變咗解決怎樣生產

同一動作、不同背景與動機，可以揀唔同答案，呢個可能亦係學生覺得Econ難嘅原因

跟我一堂學好BASIC CONCEPT 基本概念

DSE ECON 2027 PRICE FUNCTION 價格功用

世盃經濟學 ｜實時按需動態調票價 決賽門票較上屆高7倍

1. DSE 向來鍾意用盛事門票考核學生對供求、價格及競爭等問題，誠如阿SIR喺網約車合法化嘅課題上嘅分析，AI與網絡平台經濟盛行令商家定價更具彈性，佢哋透過大數據實時演算觀眾最高願付，徹底告別了2D式劃一定價，務求喺4年一度嘅盛事榨取最大嘅消費者盈餘

2. 有別於以往把門票按比賽階段與球隊級別劃分4組價碼，美墨加世盃增設官方轉售平台，按實時供需為門票定價，決實價碼被搶至近1萬1千美元，係上屆多哈世盃近7倍，「自己黃牛自己炒」嘅做法惹來爭議，但足協一於少理，聲稱劃一定價只會令門票流入炒家市場，並預料今屆世盃門票收益翻3倍至至30億美元

3. 呢度DSE可以考到幾個位：第一係價格的rationing function，有限量嘅門票按觀眾最高願付價值分配；第二係當價格機制失效，非價格競爭嘅湧現，呢啲競爭點喺供需圖上呈現；第三係劃一價格點造成市場機制失衡，政府可否有角色去調節？同學都要對相開邏輯做好兩手準備

4. 隨著科技演進，市場信息成本會大幅降低，商家於分野消費者彈性高低、分割不同市場嘅能力會逐步提升，相關嘅debate只會愈演愈烈

跟我一堂學好 DEMAND & SUPPLY！